Галоўнакамандучы УСУ: Ва Украіны ёсць план вяртання Крыма, і гэта рэалістычна
Сырскі запэўнівае, што ён ведае, як атрымаць перамогу над Расіяй.
Галоўнакамандуючы УСУ Аляксандр Сырскі заявіў, што Украіна мае план вяртання Крыма і што гэта выканальная місія, пра гэта ён заявіў у інтэрв'ю The Guardian, піша «Украінская праўда».
Сырскі сказаў, што Кіеў мае план вяртання Крыма пасля таго як у 2014-м Расія анексавала яго. Гэта сапраўды магчыма? «Гэта рэалістычна. Вядома, гэта вялікая ваенная таямніца», — сказаў генерал.
Сырскі таксама дадаў, УСУ зробяць «усё магчымае, каб дасягнуць міжнародна прызнаных межаў 1991 года»: «Мы павінны атрымаць перамогу… каб вызваліць нашых грамадзян, якія знаходзяцца на акупаваных тэрыторыях, якія пакутуюць».
Сырскі запэўнівае, што ён ведае, як атрымаць перамогу над Расіяй.
«Але я ведаю, што мы пераможам. Я ведаю, як мне гэта зрабіць. І я ўпэўнены, што мы гэта зробім», — падсумаваў Сырскі.
Нядаўняе апытанне сведчыць, што 55% украінцаў супраць тэрытарыяльных саступак, аднак ужо 32% дапускаюць іх дзеля міру.
Аляксандр Сырскі стаў галоўнакамандуючым УСУ ў лютым 2024 года пасля звальнення Валерыя Залужнага, якой пазней Зяленскі адправіў паслом у Лондане.
Цяпер чытаюць
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»31
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць1010
Каментары