Hałoŭnakamandučy USU: Va Ukrainy jość płan viartańnia Kryma, i heta realistyčna
Syrski zapeŭnivaje, što jon viedaje, jak atrymać pieramohu nad Rasijaj.
Hałoŭnakamandujučy USU Alaksandr Syrski zajaviŭ, što Ukraina maje płan viartańnia Kryma i što heta vykanalnaja misija, pra heta jon zajaviŭ u intervju The Guardian, piša «Ukrainskaja praŭda».
Syrski skazaŭ, što Kijeŭ maje płan viartańnia Kryma paśla taho jak u 2014-m Rasija anieksavała jaho. Heta sapraŭdy mahčyma? «Heta realistyčna. Viadoma, heta vialikaja vajennaja tajamnica», — skazaŭ hienierał.
Syrski taksama dadaŭ, USU zrobiać «usio mahčymaje, kab dasiahnuć mižnarodna pryznanych miežaŭ 1991 hoda»: «My pavinny atrymać pieramohu… kab vyzvalić našych hramadzian, jakija znachodziacca na akupavanych terytoryjach, jakija pakutujuć».
Syrski zapeŭnivaje, što jon viedaje, jak atrymać pieramohu nad Rasijaj.
«Ale ja viedaju, što my pieramožam. Ja viedaju, jak mnie heta zrabić. I ja ŭpeŭnieny, što my heta zrobim», — padsumavaŭ Syrski.
Niadaŭniaje apytańnie śviedčyć, što 55% ukraincaŭ suprać terytaryjalnych sastupak, adnak užo 32% dapuskajuć ich dziela miru.
Alaksandr Syrski staŭ hałoŭnakamandujučym USU ŭ lutym 2024 hoda paśla zvalnieńnia Valeryja Załužnaha, jakoj paźniej Zialenski adpraviŭ pasłom u Łondanie.
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata16
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1313
Kamientary