Свет66

У Расіі з калоній зніклі некалькі статусных палітвязняў. Рыхтуецца вялікі абмен?

Знікненне з калоній адразу некалькіх палітвязняў можа азначаць падрыхтоўку да абмену. Іх могуць памяняць на арыштаваных Украінай калабарантаў, гавораць праваабаронцы.

Калаж: тг-канал «Можем объяснить»

Ужо шэсць вядомых зняволеных па палітычных справах вывезены з месцаў зняволення ў невядомым кірунку. Сёння стала вядома аб знікненні з калоніі 19-гадовага Кевіна Ліка (на фота 1), абвінавачанага ў дзяржздрадзе. Таксама сёння з калоніі ў невядомым напрамку з'ехаў палітык Ілля Яшын (фота 2).

Напярэдадні стала вядома пра знікненне праваабаронцы Алега Арлова (фота 3), экс-кіраўніц штабоў Навальнага ва Уфе і Томску Ліліі Чанышавай і Ксеніі Фадзеевай (фота 4 і 5), а таксама мастачкі Сашы Скачыленкі (фота 6). Яе бацькам сказалі, што дзяўчыну вязуць у Маскву. Апытаныя тэлеграм-каналам «Можем объяснить» праваабаронцы дапускаюць магчымасць абмену.

«Відавочна, што рыхтуецца маштабны абмен. Пытанне ў тым, каго ў яго ўключаць», — сказаў «МО» кіраўнік праваабарончага праекта «Першы аддзел» Іван Паўлаў.

Паводле яго слоў, у абменны фонд, хутчэй за ўсё, трапяць амерыканскі журналіст Эван Гершковіч і грамадзянін Германіі Рыка Крыгер, прыгавораны да пакарання смерцю ў Беларусі.

«Я спадзяюся, што ў гуманітарных мэтах будуць падмешваць і нашых палітвязняў», — дадае Паўлаў. Ён не выключае, што гэта нейкі адцягваючы манеўр, а мяняць будуць толькі замежнікаў.

«Калі шчыра, я не разумею, што адбываецца. Спадзяюся на абмен на ўкраінскіх калабарантаў. Але гэта было б цудам», — сказала кіраўніца фонду «Русь сядзячая» Вольга Раманава.

Не ўсе могуць пагадзіцца на абмен. Ілля Яшын у адным са сваіх лістоў заяўляў, што не гатовы да такой працэдуры: «Абмен для мяне непрымальны, паколькі мае на ўвазе эміграцыю».

Апошні масавы палітычны абмен адбыўся пры прэзідэнце Мядзведзеве. 10 арыштаваных у ЗША шпіёнаў (у іх ліку Ганну Чапман) памянялі на расіянаў, якія сядзелі за шпіянаж, уключаючы Сяргея Скрыпаля, якога пазней паспрабавалі забіць у Лондане «Пятроў» і «Башыраў».

Каментары6

  • Янка
    30.07.2024
    Нажаль гэта можа адзначаць і іншае - як перавод найбольш вядомых палітвязняў у статус incommunicado, так і падрыхтоўку да іхнага забойства. Калі разглядаць версію забойства Навальнага, то ягоны папярэдні перавод у Харп вельмі знізіў як верагоднасць нежаданых выцекаў інфармацыі аб дэталях ягонай смерці, так і магчымасць нешта знайсці пад час правядзення незалежнай судова-медыцынскай экспертызы цела.
  • Common sense
    30.07.2024
    Зачем нужны эти "хорошие русские" ? Особенно Яшин который обеспечивал призыв?
  • Мікаян37
    30.07.2024
    Спадзяюся, што іх вывезлі не на мясакамбінат.

Цяпер чытаюць

Трэнд сярод беларускіх зумераў і міленіялаў: усё больш моладзі вяртаецца жыць да бацькоў13

Трэнд сярод беларускіх зумераў і міленіялаў: усё больш моладзі вяртаецца жыць да бацькоў

Усе навіны →
Усе навіны

Адзіны ў Расіі вытворца шкловалакна пасля атакі ўкраінскіх дронаў не працуе ўжо хутка год1

МАРГ далучыла да пагаднення аб прасоўванні беларускіх тавараў новых буйных гульцоў. Сярод іх — уладальнік «Табакерак»

«Драгічынскае мора»: у горадзе падтапіла месцы, дзе раней не прыбралі снег2

Беларусам, якія сядзяць на хатняй хіміі за палітыку, прапануюць палёгку — перайсці на папраўчыя работы10

85% дзяцей у 2026 годзе народзяцца ў Азіі і Афрыцы12

Іран хоча прапанаваць Трампу нафтавую здзелку, каб ён яго не чапаў6

Шуневіч: Адзіная мэта дазволу палявання на мядзведзяў і рысяў — даць больш свабоды паляўнічым у выбары трафеяў10

Той самы беларус, які ў Польшчы прыйшоў з пашпартам Новай Беларусі мяняць ВНЖ, расказаў новыя падрабязнасці сваёй гісторыі52

«Кіберпартызаны» ўзламалі «Хімвалакно» — яно пастаўляе прадукцыю для абшыўкі касак і бронекамізэлек для расійскай арміі8

больш чытаных навін
больш лайканых навін

Трэнд сярод беларускіх зумераў і міленіялаў: усё больш моладзі вяртаецца жыць да бацькоў13

Трэнд сярод беларускіх зумераў і міленіялаў: усё больш моладзі вяртаецца жыць да бацькоў

Галоўнае
Усе навіны →

Заўвага:

 

 

 

 

Закрыць Паведаміць