Аліна Змушка не выйшла ў паўфінал Алімпіяды на 200 метрах брасам, стаўшы апошняй у сваім заплыве
У зводнай табліцы кваліфікацыі беларуска абышла толькі дзвюх спартсменак.
![](http://nashaniva.com/img/w840d4webp1/photos/z_2024_07/f09d90bbf09d92b6f09d9385f09d9385f09d938e20f09d92b7f09d92bef09d9387f09d9389f09d92bdf09d92b9f09d92b6f09d938e20f09d9389f09d919c20f09d9382d0b5-whxxr.jpg.webp)
Фота: alina_zmushko / Instagram
Беларуска Аліна Змушка, якая выступае пад нейтральным сцягам, не змагла сёння прабіцца ў фінал Алімпіяды на дыстанцыі 200 метраў брасам.
Змушка ўдзельнічала ў першым кваліфікацыйным заплыве і фінішавала на апошнім, сёмым, месцы з вынікам 2.28.19.
У агульнай табліцы горш за беларуску праплылі толькі дзве дзяўчыны. Для траплення ў паўфінал неабходна было ўвайсці ў лік 16 найлепшых.
Нагадаем, Змушка дабралася да фіналу на стометроўцы брасам, аднак там фінішавала апошняй.
Каментары