З базы даных турмаў ЗША знікла інфармацыя пра вядомых зняволеных расіян
З базы звестак Федэральнай пенітэнцыярнай сістэмы ЗША знікла інфармацыя пра чатырох вядомых расійскіх зняволеных. Увагу на гэта звярнуў юрыст Ігар Слабых, піша «Медуза».
Ігару Слабых не ўдалося знайсці інфармацыю пра Уладзіслава Клюшына і Аляксандра Вінніка. А агенцтва РИА Новости пазней напісала, што з базы таксама зніклі звесткі пра Максіма Марчанку і Вадзіма Канашчонка. Пры гэтым інфармацыя пра іншых вядомых расіян, напрыклад, пра хакера Уладзіміра Дунаева, застаецца даступнай.
Бізнэсмен Уладзіслаў Клюшын адбывае ў ЗША дзевяцігадовы тэрмін па абвінавачваннях у хакерстве і інсайдарскім гандлі. Аляксандр Віннік абвінавачваецца ў ЗША ў адмыванні чатырох мільярдаў даляраў праз біржу крыптавалют ВТС-е (прысуд яшчэ не вынесены).
Максім Марчанка адбывае трохгадовае зняволенне па абвінавачванні ў кантрабандзе ў Расію мікраэлектронікі падвойнага прызначэння ў абыход санкцый. Вадзім Канашэнка — меркаваны супрацоўнік ФСБ, якога абвінавачваюць у кантрабандзе ў Расію прадукцыі амерыканскіх кампаній, якія падлягаюць экспартнаму кантролю.
У Расіі ў апошнія некалькі дзён невядомае месцазнаходжанне многіх вядомых палітвязняў — у тым ліку Іллі Яшына, Уладзіміра Кара-Мурзы, Сашы Скачыленкі. Палітолагі і СМІ выказваюць здагадку, што знікненне зняволеных можа сведчыць пра іх абмен, што мае адбыцца неўзабаве.
Цяпер чытаюць
Мужу вядомай беларускай адвакаткі далі ў Расіі 9 гадоў калоніі за хабары. А іх сумесную кватэру ў Выбаргу цішком прадалі6
Мужу вядомай беларускай адвакаткі далі ў Расіі 9 гадоў калоніі за хабары. А іх сумесную кватэру ў Выбаргу цішком прадалі
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»1010
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»10
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра2727
Каментары
Сипатый только своих граждан бить может?