Больш чым праз год пасля таго, як ЗША пагадзіліся на перадачу Украіне знішчальнікаў F-16, першыя самалёты прыбылі на яе тэрыторыю, піша The Moscow Times.
Апошнім тэрмінам дастаўкі быў канец ліпеня, і ён вытрыманы, расказалі агенцтву Bloomberg людзі, знаёмыя з сітуацыяй.
Па словах крыніц, колькасць самалётаў невялікая. Пры гэтым яны не ведаюць, ці змогуць падрыхтаваныя заходнімі краінамі ўкраінскія пілоты адразу прыступіць да баявога дзяжурства, ці на гэта пойдзе яшчэ час.
Пастаўка саміх самалётаў — толькі частка працэсу ўзмацнення ўкраінскіх ВПС. Ён таксама ўключае ў сябе навучанне пілотаў і тэхнічнага персаналу, падрыхтоўку ўзлётна-пасадачных палос і баз для рамонту і абслугоўвання.
Працэс навучання пілотаў F-16 на Захадзе займае каля чатырох гадоў. Пасля гэтага амерыканскія лётчыкі звычайна праводзяць не менш за год у сваім падраздзяленні перад накіраваннем на месца службы, «а гэтыя хлопцы адправяцца адразу ў бой», сказаў The Wall Street Journal амерыканскі чыноўнік пра ўкраінскіх пілотаў.
Паводле інфармацыі The New York Times, пакуль удзельнічаць у баявых вылетах зможа толькі каля дзясятка F-16, да якіх будуць прымацаваныя каля 20 пілотаў, якія прайшлі навучанне.
На думку амерыканскіх вайскоўцаў, найбольш эфектыўнае выкарыстанне F-16 ва Украіне — забеспячэнне падтрымкі з паветра і ліквідацыя наземных пагроз войскам на перадавой. Еўрапейскія ж вайскоўцы лічаць, што F-16 можна выкарыстоўваць для супрацьпаветранай абароны і для таго, каб адсунуць расійскія самалёты далей ад лініі фронту.
Прыбыццё F-16 не вырашыць усіх праблем, гаворыць генерал-маёр Рольф Фоланд, камандуючы Каралеўскіх ВПС Нарвегіі:
«Але, маючы F-16 са зброяй вялікай далёкасці, можна адціснуць далей расійскія ВПС, а гэта самае галоўнае».
ЗША абсталююць самалёты F-16 для Украіны сучаснай зброяй
Галоўнакамандуючы УСУ расказаў пра перавагу Расіі ў тэхніцы і акрэсліў, што рабіць украінцам
Украінскія амбіцыі мець F-16 разбіваюцца аб моўны бар'ер, узлётна-пасадачныя палосы і запчасткі — Bloomberg
Пачаўся працэс перадачы знішчальнікаў F-16 Украіне — першыя самалёты ўжо на шляху ў краіну
Галоўкам ВМС Украіны: Расія губляе крымскі хаб у Чорным моры
Цяпер чытаюць
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе88
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе8
Таццяна Заміроўская першы раз за 11 гадоў вярнулася з ЗША ў Еўропу. Многія манеры, звычкі і нават птушкі, якіх мы не прыкмячаем, выклікалі ў яе буру ўспамінаў1010
Каментары