Расія вызваліла палітыкаў Кара-Мурзу, Яшына, журналіста Гершковіча і вайскоўца Уілана
Зроблена гэта ў рамках абмену вязнямі.
Палітыкі Уладзімір Кара-Мурза, Ілля Яшын, журналіст Эван Гершковіч і Пол Уілан, былы марскі пехацінец, выйшлі сёння на волю ў рамках абмену зняволенымі.
Уладзімір Кара-Мурза быў асуджаны на 25 гадоў, Ілля Яшын на восем з паловай гадоў. Эван Гершковіч і Пол Уілан — на 16 гадоў.
Канал CBS паведамляе, што ў рамках абмену абмяняюць 24 чалавекі.
Расійскі бок атрымае восем сваіх грамадзян, Германіі перададуць 12 зняволеных, заявілі суразмоўцы.
З амерыканцаў у спісе фігуруюць журналіст Эван Гершковіч і марпех Пол Уілан, а таксама журналістка Радыё Свабода Алсу Курмашава, якая мае расійскае і амерыканскае грамадзянства.
Плануецца, што прэс-канферэнцыя з удзелам Іллі Яшына і іншых палітвязняў адбудзецца сёння а 20-й у Берліне па мінскім часе.
Сёння паведамлялася, што адзін з самалётаў вылецеў з Калінінграда ў бок Мурманска, а іншы з Масквы ў турэцкую Анкару. Магчыма, на борце людзі, якіх будуць мяняць.
Усё здарылася на Новы год. Смерць самай публічнай супрацоўніцы мінскага АМАПа дагэтуль пакідае пытанні14
Каментары
Шкада, што сярод беларускіх палітыкаў такую ідэю выказаў толькі адзін Зянон Пазьняк, але ніхто з беларускіх дзеячоў, якія на слуху, яго ініцыятыву не падтрымаў.
А аказваецца, Пазьняк годную ідэю прапанаваў. Якая зараз паспяхова рэалізуецца. Але толькі ў дачыненні да расейскіх палітвязняў. А за нашых, беларускіх, ніхто, акрамя Пазьняка, не прасіў... А маглі ж выйсці нашы...