Герасімаў далажыў Пуціну, што прасоўванне ўкраінцаў у Курскай вобласці ўжо спынілі
Агенцтва ТАСС паказала відэа, як начальнік расійскага Генштаба дакладвае Пуціну пра сітуацыю з украінскім наступленнем на тэрыторыю Курскай вобласці. Разам з Пуціным даклад слухалі былы міністр абароны Сяргей Шайгу і цяперашні Андрэй Белавусаў, а таксама дырэктар ФСБ Аляксандр Бортнікаў.
Даклад Герасімаў рабіў дыстанцыйна, знаходзячыся нібыта ў адным са штабоў аператыўнага кіравання недалёка ад месца баявых дзеянняў.
Паводле дакладу Герасімава, падчас адбіцця гэтай атакі нібыта загінулі 100 украінскіх вайскоўцаў, а агульныя страты праціўніка ён ацаніў у 315 чалавек. Усяго ж у атацы былі, паводле яго, задзейнічаныя да 1000 вайскоўцаў УСУ.
Таксама УСУ нібыта ўжо страцілі 54 адзінкі тэхнікі, уключаючы сем танкаў.
Аперацыю Герасімаў паабяцаў скончыць «разгромам праціўніка і выхадам на дзяржаўную мяжу».
Украінскія ўлады гэта паведамленне пакуль не каментавалі.
Украінцы захапілі газавымяральную станцыю «Суджа», праз якую ідзе газ ва Украіну і Еўропу
Пуцін назваў атаку ў Курскай вобласці маштабнай правакацыяй
Украінская армія ўклінілася ў Курскую вобласць на глыбіню да 15 км
Украінцы занялі тры населеныя пункты ў Курскай вобласці
Улады Курскай вобласці паведамілі аб трох збітых дронах і заклікалі здаваць кроў
Украінскія войскі атакавалі Курскую вобласць Расіі. Што вядома?
У сям'і Міронцавых за палітыку ўжо асудзілі маці і трох сясцёр. А цяпер арыштавалі і мужа адной з сясцёр3
Каментары