На тое, што папулярныя міжнародныя сайты заблакаваныя, звярнуў увагу канал «МотолькоПомоги». Пры спробе іх адкрыць у многіх жыхароў Беларусі з'яўляецца заглушка Мінінфарма, піша канал.
Megogo — украінскі медыя-сэрвіс для прагляду фільмаў, Airbnb — папулярная платформа для браніравання жылля, на сайце Battle.net можна было купляць і гуляць у гульні ад Blizzard, Hetzner — нямецкі правайдэр.
Як высветліў dev.by, прычынай блакавання сайтаў Міністэрства па падатках і зборах называе запазычанасць па падатках.
Адзначаецца, што доступ да сайтаў можа быць адноўлены, калі арганізацыі пагасяць падатковую запазычанасць або стануць на ўлік у падатковым органе Беларусі.
Activision-Blizzard і Airbnb абмежавалі працу ў Беларусі пасля пачатку вайны ва Украіне. Blizzard спыніла продажы гульняў, а Airbnb спыніла ўсе аперацыі ў Беларусі і Расіі.
-
Беларуса ў жаданні абмежаваць паўсюдную рэкламу казіно падтрымала Мінгандлю. Але прапагандысты параілі яму «не лезці не туды»
-
У гарах Кыргызстана з дрона адшукалі целы зніклых беларускіх альпіністаў
-
З Беларусі высылаюць больш за дзесяць польскіх святароў. У Магілёве ўжо развіталіся з пробашчам — і з праектам новага касцёла
Каментары