У Шумілінскім раёне падчас раскопак знайшлі паясную накладку часоў вікінгаў
Экспедыцыя Інстытута гісторыі Нацыянальнай акадэміі навук працавала ў аграгарадку Кардон Шумілінскага раёна, дзе і была выяўленая знаходка, паведаміў кіраўнік экспедыцыі, кандыдат гістарычных навук Марат Клімаў, піша sb.by.
Па словах археолага, у выніку раскопак выявілі сляды некалькіх пабудоў і печаў, а побач з адным з былых будынкаў знайшлі ўнікальную паясную накладку, якая належыць колу скандынаўскіх старажытнасцяў і выкананая ў звярыным стылі:
— Сапраўды такіх жа накладак беларускія археолагі не знаходзілі, але па стылі выканання яна блізкая да той, якую мы выявілі падчас раскопак у Верхнім замку Полацка ў 2022 годзе.
Гарадзішча Кардон — адно з найбуйнейшых паселішчаў эпохі вікінгаў у Беларусі. Яго росквіт звязаны з актыўным выкарыстаннем у IX — пачатку XI ст. «шляху з варагаў у грэкі». Гэты археалагічны комплекс навукоўцы вывучалі раней. Цяперашняя экспедыцыя аднавіла даследаванні, завершаныя ў 2018 годзе. Мэтай даследаванняў быў пошук жылых дамоў, вытворчых комплексаў і пацверджанняў таго, што побач з паселішчам знаходзілася «бухта дракараў» вікінгаў, але прамых доказаў не выявілі, адзначыў Марат Клімаў.
На поўначы Беларусі знайшлі драўляны коўш узросту піраміды Хеопса
Археолагі кажуць, што знайшлі самыя старажытныя могілкі каменнага веку ў Беларусі
У нацпарку «Прыпяцкі» знайшлі дванаццаць дагэтуль невядомых курганоў
На Менцы раскапалі ўжо тры рады гакавых драўляных канструкцый ФОТА
Археолагі расказалі, ці ўдалося адшукаць на дне Бярэзіны скарб Напалеона
Каментары