Садовае таварыства само заасфальтавала дарогу і апынулася ў судзе
Адно з садовых таварыстваў, размешчаных у прысталічным раёне, вырашыла палепшыць пад'язныя шляхі за свой кошт. Справа кончылася кепска.
![](http://nashaniva.com/img/w840d4webp1/photos/z_2024_08/33-k2blj.jpg.webp)
Як піша «Мінская праўда», да таварыства вялі дзве дарогі. Адна была доўгая, а карысталіся члены таварыства другой, больш кароткай. Але яна была вузкай. Таму на ёй арганізавалі астраўкі бяспекі, прычым асфальтаваныя.
Але Бараўлянскі лясгас выявіў гэтыя астраўкі. І прыйшоў да высновы, што, арганізаваўшы асфальтаванае месца для раз'езду машын, таварыства выйшла за ўсталяваныя межы дарогі, заняло тэрыторыю лесу і тым самым прычыніла шкоду навакольнаму асяроддзю.
Гэтыя «зламысныя» дзеянні садовага таварыства на плошчы 223 квадратных метраў (тры сярэднія кватэры) не былі ўзгодненыя з лясгасам. Лясгас прыйшоў да высновы, што шкода прыродзе склала 14456 рублёў.
Сумай кампенсацыі за нанесеную экалогіі шкоду не абышлося. Садоваму таварыству прыйшлося яшчэ выпраўляць гэтыя парушэнні за свой кошт.
-
Кіраўніца інтэрнэт-праектаў АНТ распавяла, чаму раптоўна звольнілася ў 2022 годзе і як з'ехала ў Аўстралію
-
«Каб быць з фізічным светам на ты». Журналіст Галко, перабраўшыся з Украіны ў Польшчу, пайшоў працаваць на стайню
-
Беларус здолеў пераканаць суд, што яго прызналі пагрозай для бяспекі Польшчы беспадстаўна
Каментары