Ён стаў гендырэктарам фірмы, якую выратавалі ад банкруцтва.
29 ліпеня ў Эканамічным судзе Мінска прайшло чарговае пасяджэнне паводле справы аб банкруцтве кампаніі «Трайпл». На ім антыкрызіснага кіраўніка вызвалілі ад абавязкаў. Гэта вынікае з рашэння суда, апублікаванага ў адзіным Дзяржрэестры звестак аб банкруцтве, піша «Люстэрка».
Незадоўга да гэтага, 1 ліпеня, уладальнік фірмы Юрый Чыж уступіў на пасаду гендырэктара. Пасля гэтага антыкрызісны кіраўнік перадаў яму ўсю дакументацыю і пячаткі.
Цяпер доля ў 66,5% гэтай кампаніі належыць Юрыю Чыжу, па 16,75% — Міхаілу Маміяшвілі і «Трайплу», вынікае са звестак адзінага дзяржрэгістратара юрыдычных асоб. Каб выратаваць сваю частку імперыі з трыццацігадовай гісторыяй, Чыжу прыйшлося нават судзіцца з сынамі.
17 мая ў судзе спынілі вытворчасць паводле справы аб эканамічнай неплацежаздольнасці «Трайпла». Тады агульны памер непагашаных патрабаванняў крэдытораў, уключаных у рэестр патрабаванняў даўжніка, складаў 137,3 млн рублёў. У той жа час памер актываў кампаніі ацэньваліся ў 147,2 млн, гэта значыць было вышэй даўгоў.
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1313
Каментары