Былы лекар Навальнага ахарактарызаваў афіцыйную прычыну смерці палітыка адным словам — нецэнзурным
Аляксандр Палупан мяркуе, што СК альбо хоча схаваць рэальную прычыну смерці палітыка, альбо не змог знайсці гэтую прычыну.
Былы лекар Аляксея Навальнага Аляксандр Палупан раскрытыкаваў афіцыйную версію смерці палітыка.
На просьбу канала «Агентство» ахарактарызаваць дакумент адным словам Палупан адказаў: «П***ёж».
«Альбо не знайшлі прычыну смерці і нацягнулі саву на глобус, каб нешта напісаць. Альбо знайшлі, але вырашылі яе схаваць і напісалі пра арытмію», — лічыць лекар.
Паводле яго слоў, парушэнне сардэчнага рытму, якое, паводле даных СК, прывяло да смерці Навальнага, можа паўстаць альбо пры прыроджаным захворванні, альбо пры наяўнасці структурнай паталогіі сэрца. Прыроджаныя захворванні такога роду выяўляюцца ў больш маладым узросце, а структурнай паталогіі ні пры шматлікіх абследаваннях палітыка, ні пры ўскрыцці не выявілі.
«У якасці трыгера арытміі паказваецца гіпертанічны крыз, але пры гэтым няма сведчанняў пра павышэнне артэрыяльнага ціску ў момант пагаршэння стану. У медыцынскіх дакументах Аляксея, у тым ліку атрыманых пры абследаваннях за час яго зняволення, сведчанняў пра гіпертанічную хваробу не было, што таксама ставіць пад вялікі сумнеў верагоднасць цяжкага гіпертанічнага крызу», — расказаў Палупан.
Па словах лекара, выяўленыя ў ходзе судова-медыцынскага даследавання ацёк галаўнога мозгу і ацёк лёгкіх не могуць сведчыць пра кардыягенную прычыну смерці, бо яны практычна заўсёды развіваюцца пры правядзенні сардэчна-лёгачнай рэанімацыі. А адзначаныя змены ўнутраных органаў могуць сведчыць пра хранічныя захворванні, бяспечныя для жыцця.
«Заключэнне аб выключэнні атручвання, як магчымай прычыны смерці, зробленае на аснове хіміка-таксікалагічнай экспертызы, з'яўляецца неправамоцным, бо вялікі спектр атрутных рэчываў не можа быць выяўлены стандартнымі метадамі даследавання», — мяркуе Палупан.
Аляксей Навальны памёр у калоніі «Паўночны воўк» 16 лютага 2024 года ва ўзросце 46 гадоў.
Цяпер чытаюць
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»9
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1212
Каментары