Лукашэнка пра свой выхад з аўтаматам у 2020-м: Коля бронекамізэльку накінуў — маці яго завыла
У інтэрв'ю тэлеканалу «Расія» Аляксандр Лукашэнка гаварыў сярод іншага пра свайго малодшага сына Мікалая. Ён згадаў падзеі 23 жніўня 2020 года, калі разам з Мікалаем з'явіўся з аўтаматам ля Палаца Незалежнасці.
«Ён, калі ўбачыў, што я бронекамізэльку сваю надзеў (і ў яго, і ў мяне свая зброя, бронекамізэлькі) і ў верталёт, ён на сябе накінуў… Маці там яго якраз была дома — завыла. Я ўжо выходзіў, чую, ёй кажа: «Я не хачу тут звар'яцець, пакуль ён будзе там». Вось яго фраза была.
Ты, кажу, дома застанешся, не трэба нікуды. «Не, я пайду з табой. Я не забіваць еду, я іду абараняць свайго бацьку». Вось яго былі словы. Што тут скажаш пасля гэтага? Мы селі з ім у верталёт і паляцелі».
«Ён чалавек мужны. Я гэтаму рады. І сваю краіну ён будзе абараняць як след», — заявіў Лукашэнка.
Цяпер Мікалай навучаецца ў Пекінскім універсітэце і ў Беларускім дзяржаўным універсітэце па сумеснай праграме. Ён вывучае біятэхналогіі і па завяршэнні атрымае два дыпломы, піша БелТА.
«Я хачу, каб у гэтага здольнага чалавека, які музыкант добры, спартсмен і гэтак далей, я хачу, каб у яго была мірная будучыня. Як і ўсім беларусам, расейцам, усім добрым людзям вакол. Я хачу, каб быў толькі мір. А далей давайце паспаборнічаем, хто каго», — сказаў Лукашэнка пра будучыню малодшага сына.
-
Дзмітрый Круты ўзначаліў камісію па фармаванні новага ўрада
-
Пазняк пра 1990-я: «Ніхто не зрабіў большай шкоды для нацыянальных інтарэсаў Беларусі, чым гэта істота». Пра каго ён?
-
Ціханоўская сустрэлася з адзіным кандыдатам ад апазіцыі Венесуэлы, які, імаверна, выйграў выбары, але Мадура не аддаў уладу
Цяпер чытаюць
«Ты будешь сотрудничать, б*, или нет?». Як у Беларусі схіляюць да супрацоўніцтва са спецслужбамі2
Каментары