МЗС Беларусі выклікала армянскага дыпламата і паскардзілася на кідальнікаў гародніны і яек
Ведамства запатрабавала, каб удзельнікаў акцыі пакаралі паводле армянскіх законаў.
У МЗС Беларусі выклікалі часовага паверанага ў справах Арменіі Нарэка Тыратурана.
Нагодай стала акцыя, якую правялі члены партыі «За Рэспубліку» каля пасольства Беларусі ў Ерэване. Удзельнікі акцыі кінулі яйкі і агародніну ў дзверы дыппрадстаўніцтва.
МЗС Беларусі назваў гэты перфоманс актам вандалізму ў адносінах да будынка пасольства Беларусі ў Ерэване. На думку ведамства, армянская паліцыя прыняла недастатковыя меры па прадухіленні акцыі.
«Армянскаму боку ўказана на абавязак забеспячэння прымаючай дзяржавай захаванасці беларускай дыпмісіі і яе маёмасці, а таксама бяспекі дыпламатычнага персаналу, як гэта вызначана Венскай канвенцыяй аб дыпламатычных зносінах і паўсюдна прынята», — гаворыцца ў паведамленні МЗС.
Ведамства патрабуе, каб армянскія праваахоўнікі ўстанавілі ўдзельнікаў акцыі і пакаралі іх па законе, а таксама каб тыя кампенсавалі ўрон.
-
28‑гадовай беларусцы пасля жудаснай аварыі ў Тайландзе не могуць аказаць дапамогу — няма патрэбнай крыві
-
«Мне казалі: ты з глузду з'ехаў, які пашпарт, тут Кіеў могуць узяць!» Беларус расказаў, як згубіў ва Украіне дакументы і тры гады не мог з яе выехаць
-
У Добрушы чалавек дабіўся кампенсацыі ад гаспадара аўчаркі, па віне якой ён страціў вока
28‑гадовай беларусцы пасля жудаснай аварыі ў Тайландзе не могуць аказаць дапамогу — няма патрэбнай крыві1
Каментары