Янкі: Маю кватэру дзяржава выставіла на аўкцыён разам з прабабуляй, якая там жыла
У новым выпуску ток-шоу «Жыццё-маліна» беларускі добраахвотнік Ігар «Янкі» Янкоў расказаў пра свае адносіны з бацькамі і тое, як дзяржава адабрала яго кватэру.
Па словах «Янкі», са сваімі бацькамі ён увогуле не падтрымлівае адносін, бо яны «прытрымліваюцца другога боку». Апошні раз ён кантактаваў з бацькам у пачатку вайны:
«Мы з ім размаўлялі, і ён пачаў «не ўсё так адназначна», «Бандэра» і гэтак далей». У адказ я яму не сказаў ні слова. Заўважыў, што нам з ім больш няма пра што размаўляць. І кінуў трубку».
Добраахвотнік згадвае, што не так даўно ў яго памерла прабабуля, якая была яму як маці.
«У Беларусі яна жыла ў маёй кватэры, якую мне сама і падарыла. Яна выязджала, а потым там жыла. І дзяржава выставіла на аўкцыён кватэру з бабуляй, якая там яшчэ жыла», — расказвае «Янкі».
Калі ён пачуў пра смерць прабабулі, ён яшчэ не ведаў, што кватэра выстаўлена на аўкцыён. Калі яму пра гэта расказалі, то першае жаданне было — «забіць палкамі тых, хто выстаўляў гэта на аўкцыён».
Каментары