Кварталы ўтульнай пасляваеннай забудовы ў цэнтры Мінска былі ўзятыя пад ахову законам. Праўда, сам закон, як выявілася, аказаўся крывым.
У пасляваенным двухпавярховым доме на рагу вуліц М. Багдановіча і Кісялёва (№ 22 / 51) новы ўласнік памяшкання на першым паверсе прабіў чатыры вялікія праёмы да ўзроўню падлогі, якія сказілі выгляд гістарычнага будынка. На гэта звярнуў увагу тэлеграм-канал «Спадчына».
У 2018 годзе Міністэрствам культуры быў зацверджаны праект зон аховы гісторыка-культурных каштоўнасцей, раскіданых па кварталах за Оперным тэатрам. Тады пад ціскам грамадскасці ў зоны аховы трапіла і забудова Асмалоўкі, якую праз адсутнасць афіцыйнага статусу помніка архітэктуры спрабавалі перыядычна забудаваць новым жытлом.
У дакуменце было прапісана, што забараняецца змена вышыні, архітэктурнага рашэння і дэкору фасадаў усіх пасляваенных будынкаў Асмалоўкі, якія ствараюць непаўторны антураж раёна.
Але цяпер выявілася, што ў дакуменце, зацверджаным Міністэрствам культуры, маецца грубая памылка: у рэгламентах для квартала ў межах вуліц М. Багдановіча, Кісялёва, Чычэрына і Камуністычнай адбылася блытаніна — пазначаны дамы, якія знаходзяцца ў суседнім квартале.
Гэтая памылка азначае, што ніводны з дамоў у гэтым квартале нічым не абаронены, а значыць з імі можна рабіць, што заўгодна: надбудоўваць, прабіваць любыя праёмы, збіваць дэкор ці проста абшыць керамагранітнай пліткай — ніякай адказнасці за гэта не будзе.
Закінуты аўтавакзал у Мінску пераробяць для дзяцей і моладзі
У Магілёве перадумалі зносіць першую гарадскую электрастанцыю?
Муляж у натуральную велічыню. У Клімавічах цалкам з новых матэрыялаў адбудоўваюць гістарычны помнік
У Брэсце закансервуюць руіны 400-гадовага кляштара. Гэта адзінае збудаванне, што засталося ад гістарычнага Берасця
Цяпер чытаюць
Хто той чацвёрты вайсковец ЗША, якога дагэтуль шукаюць? І які амаль супадае па ўзросце з амерыканцам, затрыманым пад Маладзечнам5
Каментары
Абуральна, праўда? Во падлукашэнкі нядбайныя!
Ў Вольнай Беларусі забаронім сваволю.