Ксёндз Уладзіслаў Завальнюк пасля звальнення з Чырвонага касцёла завёў канал у ютубе
У ютубе з'явіўся канал «Голас душы», на якім выкладаюць як працяглыя відэа, так і шортсы з прамовамі ксяндза Уладзіслава Завальнюка, які нядаўна быў адхілены ад пасады пробашча мінскага Чырвонага касцёла. Пра гэта піша выданне Katolik.life.
Пасля таго як вядомы святар Уладзіслаў Завальнюк быў звольнены з пасады пробашча Чырвонага касцёла, яго прызначылі адказным за беатыфікацыйны працэс фундатара Чырвонага касцёла Эдварда Вайніловіча. Гэтаму ў асноўным і прысвечаны новы ютуб-канал.
У сваіх відэа ксёндз Уладзіслаў Завальнюк падрабязна расказвае пра Эдварда Вайніловіча і праз яго фігуру разважае на агульныя актуальныя тэмы: якімі прынцыпамі гуманізму кіравацца ў сваім жыцці, на што абапірацца сучаснаму чалавеку ў гэтым свеце, хто такія хросныя бацькі, як іх абраць, якія абавязкі яны маюць перад дзіцём і перад Богам.
Новую дзейнасць ксёндз Уладзіслаў Завальнюк пачаў не толькі ў віртуальнай прасторы. Нядаўна ён цэлебраваў святую Імшу ў інтэнцыі роду Вайніловічаў у парафіі святога Лукі Евангеліста і святога Марціна ў Курасоўшчыне, дзе разам з парафіянамі маліўся аб беатыфікацыі Эдварда Вайніловіча.
Памятаеце пару студэнткі і выкладчыка духоўнага вучылішча, які старэйшы за яе на 31 год? Яны разбегліся3
Памятаеце пару студэнткі і выкладчыка духоўнага вучылішча, які старэйшы за яе на 31 год? Яны разбегліся
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну77
Каментары