Старшыня ЦВК распавёў журналістам аб ходзе падрыхтоўкі да прэзідэнцкіх выбараў у 2025 годзе, піша БелТА.
Завяршэнне любой выбарчай кампаніі дае старт падрыхтоўцы да наступнай выбарчай кампаніі, зрабіў акцэнт Ігар Карпенка. «Фактычна мы аналізуем, што праходзіла, як праходзіла, як ужывалася заканадаўства, ці ёсць неабходнасць уносіць змены, дапаўненні ў заканадаўчыя акты», — растлумачыў ён.
Старшыня ЦВК распавёў аб падрыхтоўцы патэнцыйных арганізатараў выбараў. «На сістэмнай аснове мы пачалі гэтую падрыхтоўку (патэнцыйных арганізатараў) праз Акадэмію кіравання. Выходзім на лакальную падрыхтоўку ў рэгіёнах. У прыватнасці, на базе інстытутаў развіцця адукацыі, у тым ліку і ў Гомелі, адкрываем адпаведныя курсы для тых патэнцыйна людзей, якія заўтра будуць працаваць у камісіях — тэрытарыяльных, акруговых, участковых, якія будуць на практыцы рэалізоўваць выбарчы працэс», — распавёў старшыня ЦВК.
«Мы гатовыя да завяршальнага этапу той палітычнай мадэрнізацыі, чым будзе выбарчая кампанія прэзідэнта. Парламент краіны прыме рашэнне, калі будуць гэтыя выбары. Як толькі будзе прынятая пастанова, ЦВК пачне арганізацыю ўсіх працэсаў, якія павінны прайсці ў адпаведнасці з заканадаўствам», — падсумаваў Ігар Карпенка.
Прэзідэнцкія выбары ў 2025 годзе павінны прайсці не пазней за 20 ліпеня 2025 года. «Белпол» са спасылкай на свае крыніцы сцвярджае, што выбары правядуць у апошнюю нядзелю зімы — 23 лютага 2025 года.
-
Беларус з праблемамі з псіхікай стаў у Расіі намінальным дырэктарам. А як справа накрылася, забралі на фронт — у адзін канец
-
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх
-
«Кіберпартызаны» і група Silent Crow заявілі пра ўзлом Расстата і атрыманне даных пра вайсковыя страты
Цяпер чытаюць
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1414
Каментары