Двух жыхароў Віцебска затрымалі пасля размовы з правакатарам у чат-рулетцы
Двух віцяблян затрымалі пасля размовы з правакатарам у Чат-рулетцы, Відэа з імі апублікаваў праўладны канал.
«Медыязона» знайшла старонку аднаго з затрыманых у сацсетках, там ён падпісаны як Юрый Янушкевіч.
У відэа сілавікоў яны кажуць, што затрыманыя за «экстрэмісцкія лозунгі» ў чат-рулетцы. У роліку таксама дэманструюцца фрагменты размовы мужчын з суразмоўцам (яго самога не паказваюць). Адзін з затрыманых кажа «Жыве Беларусь, слава Украіне».
Затым гучыць яго адказ на пытанне суразмоўцы (само пытанне ў роліку не агучана).
Ён кажа, што хацеў бы атрымаць зброю ў ваенкамаце і паказаць «волю народа».
Па якіх артыкулах затрыманыя жыхары Віцебска і дзе яны цяпер — невядома.
Цяпер чытаюць
26‑гадовага супрацоўніка элітнага падраздзялення мытні асудзілі на 16 гадоў па наборы палітартыкулаў. Сярод іх і «здрада дзяржаве»4
Каментары