З прыкаспійскіх стэпаў моцным ветрам паднята шмат пылу, які прыкметна распаўсюджваецца па рэгіёне. Паколькі на тэрыторыях Казахстана і Туркменістана назіраюцца моцныя вятры, то гэты пыл будзе распаўсюджвацца далей і, падобна, дойдзе да Беларусі, піша тэлеграм-канал @nadvorie.
На думку аўтара канала, цэнтральнаазіяцкі пыл даляціць да нас заўтра раніцай, бо патокі ў атмасферы для гэтага спрыяльныя. Праўда, канцэнтрацыі яго будуць даволі нізкія.
На карце прадстаўленыя фактычныя даныя пра хуткасць і кірунак ветру ў прыкаспійскім рэгіёне, што дазваляе лепш зразумець уздзеянне прыроднай з'явы і яе магчымыя наступствы для навакольнага асяроддзя і насельніцтва.
На другой карце дэманструецца прагноз Еўрапейскага цэнтра сярэднетэрміновых прагнозаў надвор'я (ECMEF) адносна ўтрымання пылу ў атмасферы ў мкг/м³ (мікраграмы на кубаметр паветра).
Цяпер чытаюць
Пасля знікнення спікеркі Мельнікавай няма доступу да рахункаў Каардынацыйнай рады23
Каментары