Што вядома пра Вячаслава Папшо — блогера «Жыве», які паехаў у Беларусь і быў арыштаваны
Папшо — грамадзянін Літвы, але цікавіўся беларускім парадкам дня.
Вячаславу Папшо 39 гадоў. Па звестках праекта Digital intelligence team, ён грамадзянін Літвы, жыў у Вільні. Падобна, што сам Вячаслаў мае беларускія карані, прынамсі, ён доўгі час цікавіўся беларускім парадкам дня. Свабодна валодае літоўскай і рускай мовамі, але добра разумее і беларускую.
Ягоная жонка Вольга родам з Гродна. Разам яны гадуюць дачку.
Вячаслаў заўжды цікавіўся грамадска-палітычнымі навінамі. У сацсетках пісаў пра тое, што яму баліць у Літве, і дзяліўся фотамі са свайго жыцця.
Але ў 2020 годзе стаў прысвячаць відэа выключна беларускай тэме. Ён падтрымліваў беларусаў, якія выходзілі на пратэсты, расказваў пра палітвязняў і крытыкаваў розныя структуры, апошнім часам гэтаму была прысвечаная большая частка кантэнту.
Вячаслаў рабіў відэа рэгулярна і выключна на энтузіязме, збіралі яны няшмат — у сярэднім ад 500 да 1000 праглядаў.
Апошнія публікацыі Папшо былі прысвечаныя крытыцы Офіса Ціханоўскай і іншых структур дэмакратычных сілаў па-за межамі Беларусі. У апошні час крытыка станавілася ўсё больш агрэсіўнай, выглядала так, што блогер атакуе ўсе структуры і ініцыятывы адразу – і Офіс Ціханоўскай, і незалежныя медыя, і Полк Каліноўскага. Незразумела нават, каго ён лічыў саюзнікамі.
Вячаслаў нечакана для ўсіх знік адусюль 29 ліпеня 2024 года. Пасля гэтага адбылося дзіўнае — з яго канала знікла частка відэа, а з канала і чата ў тэлеграме выдалілі частку падпісчыкаў. 23 жніўня 2024 года ягоны канал «Жыве» ўнеслі ў спіс экстрэмісцкіх фарміраванняў.
Днямі стала вядома пра затрыманне Папшо. Пра гэта напісаў блогер-канспіролаг Віталь «Вірус» Кандраценка — маўляў, так яму адказалі з акаўнта Вячаслава.
Чаму Папшо вырашыў паехаць у Беларусь і ў чым яго абвінавачваюць — невядома.
«Наша Нiва» — бастыён беларушчыны
ПАДТРЫМАЦЬУ чатах Калінкавічаў распаўсюджваецца ВІДЭА, якое зафіксавала падзенне беспілотніка1
Каментары
І такія ж бюджэтнікі, суседзка-канкурэнта гатункавыя - з бэсэсэрыі, яго зьняволілі. Праз крытыку ж бюджэтнікаў іхага гатутку