На выбарах-2020 Канапацкай намалявалі 1,68%. Хоча паўтарыць?
Палітычная дзяячка Ганна Канапацкая плануе балатавацца на прэзідэнцкіх выбарах 2025 года. Сваімі планамі яна падзялілася з каляпалітычнай тусоўкай Мінска.
Канапацкая ўжо балатавалася ў прэзідэнты ў 2020 годзе. Тады ні ў каго з экспертаў не было сумневаў, што яна не сабрала патрэбных для рэгістрацыі 100 тысяч подпісаў (бо фактычна не збірала іх). Тым не менш Канапацкую зрабілі кандыдаткай у прэзідэнты і нават у выніковым пратаколе паставілі на трэцяе месца — вышэй за іншых кандыдатаў-спойлераў, Андрэя Дзмітрыева і Сяргея Чэрачня.
Перад тым Канапацкая была дэпутаткай Палаты прадстаўнікоў (2016-2019) — хоць і ў тым выпадку вынікі выбараў былі сфальсіфікаваныя.
А пачынала палітычную кар'еру яна ў складзе Аб'яднанай грамадзянскай партыі. Рабіла бізнэс у Заходняй Еўропе, куды з'ехала разам з дзецьмі.
Рэжысёрка канцэртаў для Лукашэнкі святкавала Новы год і Раство ў Вялікабрытаніі — шмат ФОТА8
Каментары