У горадзе Навапаўлаўск Стаўрапальскага краю затрымалі Ягора Гузенку, больш вядомага як ваенны блогер «Трынаццаты». Пра сваё затрыманне ён паведаміў сам, запісаўшы паведамленне ў тэлеграме.
У Навапаўлаўск ён прыехаў праведаць сям'ю.
На фота, якое апублікаваў канал «Блокнот Ставрополь», відаць, што затрыманне Гузенкі рабілася жорсткімі метадамі. Пацвярджае гэта і апублічанае відэа.
Блізкі да расійскіх сілавікоў тэлеграм-канал Baza паведамляе, што «Трынаццатага» затрымалі па адміністрацыйным артыкуле аб ужыванні наркотыкаў. Паколькі ён адмовіўся ад медыцынскага агляду, яго завезлі ў АУС.
Затрымалі Z-ваенкара на цэнтральнай гарадской плошчы проста падчас канцэрта ў гонар Дня горада.
Ягор Гузенка ўдзельнічаў у вайне з Украінай з самага яе пачатку ў 2014 годзе, ваюючы на Данбасе. Але пры гэтым, вяртаючыся з Расіі, паводзіў сябе зусім не ціха, за што меў праблемы.
Вядома, што ў 2022 годзе Гузенка ўжо знаходзіўся пад хатнім арыштам, але парушыў меру стрымання і самавольна паехаў на вайну з Украінай, пасля чаго быў абвешчаны ў федэральны вышук.
А затрымалі яго ўвосень 2021 года ў Санкт-Пецярбургу пасля бойкі з трыма мужчынамі. Блогер тады заяўляў, што адбіваўся ад іх з аэразольным пісталетам, а ў аддзеле паліцыі, куды яго даставілі, прабіў сцяну, спрабуючы зняць кайданкі.
Блогер «Трынаццаты» мае больш за 300 тысяч падпісчыкаў, і ён адзін з тых расійскіх ваенкараў, якія хоць паслядоўна трымаюцца шавіністычнай ды антыўкраінскай пазіцыі, але могуць жорстка крытыкаваць і расійскія вайсковыя ды грамадзянскія ўлады, закранаючы прынамсі ўскосна нават самога Пуціна. Месяц таму Гузенка адразу ў некалькіх пастах праводзіў думку, што «здраднікі сядзяць у Крамлі».
«Усё, што цяпер адбываецца, гэта здрада. Здраднікі сядзяць у Крамлі». У Расіі ўзбунтаваўся Z-блогер
«Бл*дарусы — нацыя здраднікаў і паразітаў». Z-каналы ў шаленстве ад рашэння Лукашэнкі адвесці войскі ад Украіны
Z-ваенкары сцвярджаюць, што расійскія вайскоўцы збілі ўласны верталёт
«Быццам не дваццаць за дзень страцілі». Расійскі франтавік раскрывае рэальныя лічбы страт
Цяпер чытаюць
Міліцыя затрымала таго самага расійскага турыста, які кінуў недакурак на вуліцы. Заўтра суд33
Каментары