Элітная 155-я брыгада Ціхаакіянскага флоту Расіі страціла 80% складу пад Вуглядарам
Салдаты 155-й брыгады марской пяхоты вялі баі за Вуглядар на працягу двух гадоў.
Элітная 155-я брыгада марской пяхоты Ціхаакіянскага флоту страціла амаль 2400 чалавек асабістага складу ў бітве за Вуглядар, паведамляецца ў дакументальным фільме BBC. Гэта складае амаль 80% складу брыгады, агульная колькасць якой ацэньваецца ў тры тысячы чалавек, паведамляе Расійская служба «Радыё Свабода».
Салдаты 155-й брыгады марской пяхоты вялі баі за Вуглядар на працягу двух гадоў. Да гэтага яны ўдзельнічалі ў баях пад Кіевам, дзе ўжо панеслі значныя страты. На бессэнсоўныя ахвяры ў брыгадзе скардзіліся расійскія правайсковыя блогеры, якія апублікавалі зварот байцоў брыгады аб стратах у 300 чалавек за чатыры дні.
Губернатар Прымор'я Алег Кажамяка не стаў аспрэчваць сапраўднасць звароту, хоць і заявіў, што гэта можа быць правакацыяй украінскіх спецслужбаў. Праз некалькі дзён ён паведаміў, што пагаварыў з камандзірамі і прызнаў, што страты ёсць, «але яны далёка не такія, як пішуць у гэтым звароце».
Міністэрства абароны Расіі заявіла, што падраздзяленні 155-й брыгады больш за дзесяць сутак вядуць наступальныя дзеянні, а страты марпехаў «за гэты перыяд не перавышаюць 1% баявога складу і 7% параненымі, значная частка якіх ужо вярнулася ў строй».
Цяпер 155-я брыгада вядзе наступленне ў Курскай вобласці, спрабуючы выбіць украінскую армію з занятых пазіцый. За апошнія дні, па звестках абодвух бакоў, расійскія войскі атакавалі ў раёне хутара Зялёны Шлях і пасёлка Любімаўка.
Па выніках верасня пацверджаныя страты расійскай арміі ва Украіне перавысілі 71 тысячу чалавек, вынікае з падлікаў «Медыязоны» і «Рускай службы BBC». Рэальныя страты могуць быць значна вышэйшыя, расійскі бок аб стратах не паведамляе.
Акаўнт Кабанчука ўзламалі — але ці беларускія спецслужбы?8
Каментары