Навумчык пра рэзкія заявы Пазняка: Яго не цікавіць імідж, ён кажа тое, што не гавораць іншыя
Нядаўна палітык Зянон Пазняк асуджальна выказаўся на адрас Марыі Калеснікавай. Ён назваў палітзняволеную «штучна і з палітычным ухілам раздзьмутай асобай» і паўтарыў свой ранейшы тэзіс, што штаб Віктара Бабарыкі скарыстала Масква. Яго паплечнік, публіцыст і былы дэпутат Вярхоўнага Савета Сяргей Навумчык у размове з «Радыё Свабода» пракаментаваў гэтыя заявы.
Навумчык кажа, што за 30 гадоў не стаў бы ставіць пад сумнеў тэзісы Пазняка, якія выклікаюць непрыняцце. «Потым час паказаў, што ён меў рацыю», — адзначае ён.
Навумчык згадвае, як аднойчы напісаў Пазняку, што яго рэзкая форма можа адштурхоўваць людзей. Маўляў, вы кажаце праўду, і калі-небудзь з гэтым пагодзяцца, але цяпер гэта шкодзіць вашаму іміджу.
«Ён адказаў (не даслоўна, але блізка да тэксту): «Сяргей, мяне зусім не цікавіць мой імідж. Ёсць рэчы, якія, я лічу, трэба сказаць. Калі іншыя іх не гавораць, іх кажу я». Хрэстаматыйным прыкладам быў артыкул аб рускім імперыялізме і яго небяспецы».
«Мне здаецца, тут яшчэ тыя прычыны, што падзеі 2020 года належным чынам не прааналізаваныя, — працягвае Навумчык. — Перашкаджае і тое, што многія іх актыўныя ўдзельнікі за кратамі. Ясна, што трэба іх вызваляць. Між іншым, і сам Пазняк пра гэта піша».
Былы дэпутат Вярхоўнага Савета таксама крытыкуе лідараў 2020-га.
«Што адбылося тады: з’яўляюцца людзі, абсалютна без усякай палітычнай біяграфіі, без палітычнай дасведчанасці і альбо вылучаюцца кандыдатамі ў прэзідэнты, альбо ўзначальваюць іх штабы. Мала таго, тым, хто прапануе ім паслугі, яны проста кажуць: пайшоў вон, мы зараз пакажам, як трэба змяняць уладу. Мяне ведаеце што ўразіла? Зноў жа не буду называць прозвішча, хаця гэты чалавек не за кратамі, дзякуй богу. Ён казаў: мы калі пабачылі пасля выбараў дзясяткі ці сотні тысяч людзей на вуліцах менскіх, мы ашалелі, мы разгубіліся, мы не ведалі, што нам рабіць».
Навумчык дадае, што некалькі былых дэпутатаў Вярхоўнага Савета ад БНФ прапаноўвалі свае паслугі ў 2020-м, але іх не сталі слухаць. Ён лічыць, што дастаткова было аднаго чалавека, які мог бы істотна паўплываць на сітуацыю, — Сяргея Антончыка, былога дэпутата Вярхоўнага Савета, аднаго з лідараў рабочага руху.
Калі б за некалькі месяцаў падрыхтавалі страйкамы на 10-15 бюджэтаўтваральных прадпрыемствах, сітуацыя была б зусім іншая, перакананы Навумчык.
«Была б сітуацыя эканамічнага калапсу, і той жа самы Пуцін пазваніў бы і сказаў: «Аляксандр Рыгоравіч, давай ужо».
Тое, што не быў праведзены разбор палётаў, і параджае такія рэзкія ацэнкі, як дае Пазняк, падсумоўвае Сяргей Навумчык.
Пазняк: Калеснікава — штучна раздзьмутая асоба, якая адзначылася інфантыльнымі паводзінамі і недалёкімі казаннямі
Зянон Пазняк расказаў, чым займаўся 10 дзён ва Украіне
Пазняк прапанаваў стварыць аналаг «Белсата» — украінскі тэлеканал з вяшчаннем на Беларусь
Зянон Пазняк: Хто можа замяніць Лукашэнку? Рэальна — ніхто
Пазняк: Калеснікава — поўнае палітычнае нішто
Цяпер чытаюць
Андрэя Пачобута памянялі на лукашэнкаўскіх шпіёнаў, арыштаваных у Польшчы48
Каментары