Дэпутатка Мірончык-Іванова расказала, ці можна ёй выкладаць у інстаграме фоты ў купальніку
У спартсменкі Настассі Мірончык-Івановай спыталі, як змяніўся яе Instagram пасля таго, як яе прызначылі ў парламент.
«З'явіўся больш дзелавы стыль. Прыбрала некаторыя адкрытыя фотасесіі. Але ўсё роўна дэпутаты таксама людзі. І калі мы на адпачынку, мы можам дазволіць сабе добрае фота ў купальніку. Але ўсё павінна быць у пэўных рамках, у дзелавым стылі.
Трохі давялося памяняць свой кантэнт (я лічу, у правільным кірунку) для сваёй аўдыторыі. Цяпер гэта ўжо і палітыкі, палітычныя аглядальнікі, больш дарослае пакаленне», — адказала яна ў праграме «100 пытанняў даросламу» на БТ.
Але і здымкі ў купальніку засталіся. Жнівень 2024. Фота: інстаграм дэпутаткі
Спартсменка таксама расказала, што свой брэнд адзення «Міро» паставіла на паўзу з-за вялікай загружанасці. Але не пакідае ідэю запусціць сваю лінейку як спартыўнага, так і класічнага адзення.
«Магчыма, у будучыні ў мяне з'явіцца больш свабоднага часу. У далёкай будучыні. А можа, і цяпер я здолею сумясціць і рэалізаваць ідэю паўнавартаснага брэнду «Міро». Магчыма, гэта будзе спартыўнае адзенне.
Пры гэтым усе імкнуцца на худыя фігуры нацягнуць прыгожыя аблягаючыя легінсы. Мне б хацелася падкрэсліць прыгажосць нашых беларускіх форм, жанчын, якія ў форме. Мне вельмі хацелася б заняцца і спартыўным брэндам, і, зразумела, маёй любоўю — класічным адзеннем», — расказала Мірончык-Іванова.
Дзе сёлета адпачываюць Тур, Мірончык-Іванова, вядучая ГУБАЗіКа ды іншыя лукашысты і якія гатэлі яны выбіраюць?
Як скакуха стала дэпутаткай. Гісторыя Настассі Мірончык-Івановай
Скакуха Мірончык-Іванова: Алімпійскія гульні без нас, без наймацнейшых — гэта не Алімпіяда
«Яна ў штанах выйдзе, рубане». Лукашэнка прапанаваў у прэзідэнты нечаканую кандыдатуру
Каментары