14 кастрычніка пасля завяршэння першага планава-папераджальнага рамонту падключылі да сеткі другі энергаблок Беларускай АЭС, паведамляе БелТА. Рамонт на гэтым энергаблоку ішоў з 26 ліпеня.
Паведамляецца, што ў ходзе рамонту праведзена замена адпрацаванага ядзернага паліва на свежае — у актыўную зону рэактара загружана каля 25% цеплавыдзяляльных зборак са свежым ядзерным палівам.
Акрамя таго, у поўным аб’ёме выканана тэхнічнае абслугоўванне парадку 12 тыс. адзінак абсталявання. Праведзены эксплуатацыйны кантроль металу абсталявання і трубаправодаў АЭС, у тым ліку кантроль металу корпуса рэактара. Агульная колькасць аб’ектаў кантролю склала больш за 20 тыс., уключаючы радыёграфічны кантроль металу 748 зварных злучэнняў.
Для рамонтнай кампаніі было выкарыстана больш за 26 тыс. адзінак запасных частак, інструментаў і прылад (ЗІП).
Рамонт рабіўся сіламі рамонтнага персаналу Беларускай АЭС, а таксама прыцягнутага персаналу ААТ «Белэнергарамналадка», АТ «Русатам сэрвіс» і АТ «Атамбудэкспарт».
Цяпер чытаюць
«Мне хацелі кампенсаваць каля 10% ад кошту пагарэлага». Як беларускія прадаўцы на Вайлдберыз вырашаюць вогненныя праблемы7
«Мне хацелі кампенсаваць каля 10% ад кошту пагарэлага». Як беларускія прадаўцы на Вайлдберыз вырашаюць вогненныя праблемы
«Надзея Сцяпанаўна». Мікіта Найдзёнаў апублікаваў паэму, якая нарадзілася ў Жодзінскай турме. Такога паэтычнага эпасу ў беларускай паэзіі ХХІ стагоддзя яшчэ не было66
Каментары