Праўладны канал: Чаму Пратасевіча ўзялі на працу, а беларусаў, якія легальна ставілі подпісы за альтэрнатыўных кандыдатаў, не бяруць?
Тэлеграм-канал «Графач», які звязваюць з міністрам інфармацыі Маратам Маркавым, паразважаў пра кейс Пратасевіча і, раптоўна, пра дыскрымінацыю беларусаў за палітыку.
Аўтар канала наракае, што Рамана Пратасевіча, які быў адной з медыйных асоб дэмакратычнага руху, памілавалі, працаўладкавалі, адпусцілі ў адпачынак у Дубай і зараз робяць з яго ўжо прапагандысцкі кейс.
У той жа час многія беларусы не могуць уладкавацца на працу з-за палітычных артыкулаў ці нават проста подпісаў у падтрымку альтэрнатыўных кандыдатаў.
«Не толькі тыя, хто паддаўся ўплыву за рэпосты або хто вызваліўся пасля турмы, але і проста паставілі росчырк падчас легальнай (!) працэдуры збору подпісаў кандыдатаў — маюць аб'ектыўныя праблемы з прадузятай увагай і працаўладкаваннем, асабліва на дзяржаўныя прадпрыемствы. Тым больш у раённых гарадах», — прызнае дыскрымінацыю па палітычных матывах канал лукашэнкаўцаў.
Аўтар паста наракае, што з-за гэтага беларусы вымушаны з'язджаць у Польшчу ці Літву. І гэтая сітуацыя ўплывае не толькі на іх саміх, але і на іх сваякоў ды сяброў. І такім чынам колькасць незадаволеных сітуацыяй толькі расце.
«Сама канцэпцыя адмены не дасягае мэт рэсацыялізацыі, а наадварот штурхае ў маргіналізацыю. У Савецкім Саюзе працоўная рэабілітацыя была базай вяртання чалавека да звычайнага жыцця. Бо калі яму не пакінуць выбару — ён абавязкова вернецца да дэструктыву», — лічыць «Графач».
Таму, на думку аўтара, праблема арміі незадаволеных «не вырашаецца дэманстрацыяй асобнага прапагандысцкага кейса Пратасевіча, які не б'ецца з рэальнасцю, а толькі можа яе пагоршыць».
23‑гадовага афіцэра брыгады спецназа асудзілі на 19 гадоў за «здраду дзяржаве»17
23‑гадовага афіцэра брыгады спецназа асудзілі на 19 гадоў за «здраду дзяржаве»
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў88
Каментары