Praŭładny kanał: Čamu Pratasieviča ŭziali na pracu, a biełarusaŭ, jakija lehalna stavili podpisy za alternatyŭnych kandydataŭ, nie biaruć?
Telehram-kanał «Hrafač», jaki źviazvajuć ź ministram infarmacyi Maratam Markavym, parazvažaŭ pra kiejs Pratasieviča i, raptoŭna, pra dyskryminacyju biełarusaŭ za palityku.
Aŭtar kanała narakaje, što Ramana Pratasieviča, jaki byŭ adnoj ź miedyjnych asob demakratyčnaha ruchu, pamiłavali, pracaŭładkavali, adpuścili ŭ adpačynak u Dubaj i zaraz robiać ź jaho ŭžo prapahandyscki kiejs.
U toj ža čas mnohija biełarusy nie mohuć uładkavacca na pracu z-za palityčnych artykułaŭ ci navat prosta podpisaŭ u padtrymku alternatyŭnych kandydataŭ.
«Nie tolki tyja, chto paddaŭsia ŭpłyvu za reposty abo chto vyzvaliŭsia paśla turmy, ale i prosta pastavili rosčyrk padčas lehalnaj (!) pracedury zboru podpisaŭ kandydataŭ — majuć abjektyŭnyja prablemy z praduziataj uvahaj i pracaŭładkavańniem, asabliva na dziaržaŭnyja pradpryjemstvy. Tym bolš u rajonnych haradach», — pryznaje dyskryminacyju pa palityčnych matyvach kanał łukašenkaŭcaŭ.
Aŭtar pasta narakaje, što z-za hetaha biełarusy vymušany źjazdžać u Polšču ci Litvu. I hetaja situacyja ŭpłyvaje nie tolki na ich samich, ale i na ich svajakoŭ dy siabroŭ. I takim čynam kolkaść niezadavolenych situacyjaj tolki raście.
«Sama kancepcyja admieny nie dasiahaje met resacyjalizacyi, a naadvarot šturchaje ŭ marhinalizacyju. U Savieckim Sajuzie pracoŭnaja reabilitacyja była bazaj viartańnia čałavieka da zvyčajnaha žyćcia. Bo kali jamu nie pakinuć vybaru — jon abaviazkova vierniecca da destruktyvu», — ličyć «Hrafač».
Tamu, na dumku aŭtara, prablema armii niezadavolenych «nie vyrašajecca demanstracyjaj asobnaha prapahandysckaha kiejsa Pratasieviča, jaki nie bjecca z realnaściu, a tolki moža jaje pahoršyć».
-
«Miakka kažučy, mianie tresła». Biełaruska atrymała rachunki na 40 tysiač jeŭra za čatyry dni ŭ šviejcarskaj balnicy
-
«Atrymlivajem abryŭki infarmacyi, u nas niama suviazi». Siastra Maryi Kaleśnikavaj raskazała apošnija naviny pra jaje
-
Vatykan zaprasiŭ Śviatłanu Cichanoŭskuju na pachavańnie Papy Franciška
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj4
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki1313
Kamientary