Беларус Дзмітрый Шэпелеў страціў працу на расійскім тэлебачанні
Гаворка ідзе пра папулярнае штотыднёвае шоу «У коле сяброў», якое паказвае тэлеканал «Расія».
41-гадовы Шэпелеў з восені 2023 года вёў гэтую сямейную праграму, дзе размаўляў са знакамітасцямі і звычайнымі тэлегледачамі, якія прыходзілі ў студыю са сваімі хатнімі гадаванцамі. Госці распавядалі цікавыя і павучальныя гісторыі пра сваіх чатырохногіх і пярнатых сяброў, а таксама давалі парады па доглядзе за жывёламі, піша «Камсамолка».
Аднак, як вынікае з кастрычніцкіх эфіраў 2024 года, Шэпелеў больш не вядзе праграму. Новыя выпускі вядзе акцёр Сяргей Друзьяк, якому дапамагае сабака пароды бордэр-колі па мянушцы Прайм. Дарэчы, Друзьяк быў госцем аднаго з выпускаў праграмы, калі яе яшчэ вёў Шэпелеў.
Акрамя тэлебачання, у Шэпелева не склаліся справы і з падкастамі на радыё і ў інтэрнэце.
Першы праект быў прысвечаны штучнаму інтэлекту, другі меў назву «Тата дома». Абодва праекты не абнаўляліся з пачатку лета. Таксама кароткім аказаўся праект «Спатканне з прычэпам» на платформе Rutube, які выйшаў вясной. Шэпелеў быў не толькі вядучым, але і прадзюсарам гэтага шоу.
Зараз, паводле інфармацыі KP.RU, Шэпелеў працуе над новымі ідэямі і праектамі ў якасці прадзюсара. У мінулым годзе ён прайшоў курс па бізнэс-прадзюсаванні ў Школе падзейнага прадзюсавання.
Шэпэлеў, які пачынаў кар'еру ў Беларусі, быў вядучым папулярных расійскіх тэлешоу, такіх як «Достояние Республики», «Два голоса», «На самом деле», «Ты как я», «Шоу большой страны». Перад гэтым ён працаваў на ўкраінскім тэлебачанні.
Цяпер чытаюць
Скандал у полацкай школе: маці сцвярджае, што яе сына збілі на трэніроўцы па дзюдо — так хлопца «выхоўваў» трэнер8
Каментары