У Магілёўскай вобласці вылавілі 15-кілаграмовага шчупака. Даставалі з вады амаль гадзіну
Беларус злавіў буйны трафей на ультралайтавы спінінг.
Фота: інстаграм rybalka_v_belarusi_
Аляксей Гайдукоў і Віталь Парамошкін рыбачылі на Чыгірынскім вадасховішчы ў Магілёўскай вобласці. Яны ўзялі з сабой лёгкія спінінгі, прызначаныя для лоўлі не надта буйной рыбы.
Аднак у той дзень ім удалося вывудзіць буйны трафей: на кручок трапіў велізарны шчупак. Рыбакі змагаліся са здабычай каля гадзіны — і ўсё ж такі змаглі дастаць рыбіну з вады, паведамляе супольнасць рыбакоў.
Даўжыня шчупака складае 117 сантыметраў, а вага — 15 кілаграмаў. Некаторыя мяркуюць, што гэты шчупак можа пазмагацца за статус рэкорднага для Беларусі.
Каментары