Колькасць выпадкаў сухотаў дасягнула цяпер рэкорднага ўзроўню, паказаўшы прырост на 0,7 млн і дасягнуўшы 8,2 млн. Паводле даных СААЗ, гэта самы высокі паказчык з 1995 года, калі пачаўся глабальны маніторынг захворвання.
У 2023 годзе сухоты зноў сталі галоўнай інфекцыйнай прычынай смяротнасці, абагнаўшы COVID-19. Нягледзячы на памяншэнне колькасці смяротных выпадкаў з 1,32 млн у 2022 годзе да 1,25 млн у 2023 годзе, агульная колькасць хворых вырасла да 10,8 млн.
СААЗ звязвае крызіснае распаўсюджанне сухотаў з устойлівасцю да лекаў і памяншэннем фінансавання прафілактыкі і лячэння. Летась было выдзелена толькі 26% ад неабходнай сумы фінансавання.
Асноўныя фактары рызыкі ўключаюць недастатковае харчаванне, ВІЧ, алкагалізм, курэнне і дыябет. Для барацьбы з гэтымі фактарамі патрабуецца скаардынаваны ўдзел розных сектараў.
Сухоты — гэта інфекцыйнае захворванне, выкліканае мікабактэрыямі з групы Mycobacterium tuberculosis. Яны звычайна ўздзейнічаюць на лёгкія і перадаюцца паветрана-кропельным шляхам. Агульныя сімптомы ўключаюць кашаль, боль у грудзях, слабасць, страту вагі, ліхаманку і начны пот.
Каля плошчы Бангалор у Мінску вырас яшчэ адзін звышсакрэтны аб’ект13
Каля плошчы Бангалор у Мінску вырас яшчэ адзін звышсакрэтны аб’ект
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары