Блогер Андрэй Павук расказаў, ці збіраецца патэлефанаваць Лукашэнку
«Ён вельмі добры стэндапер, і ты яму ўжо за гэтыя 30 гадоў верыш, што ён такі люты. Я яго баюся насамрэч».
Блогер Андрэй Павук часта тэлефануе чыноўнікам і сілавікам. У новым выпуску ток-шоу «Жыццё-маліна» ў яго спыталіся, ці збіраецца званіць Аляксандру Лукашэнку.
«А пра што я з ім буду гаварыць? Для мяне Лукашэнка гэта нейкая эфемерная фігура, на якую я магу ўсё скідваць. Для мяне ён нежывы чалавек, гэта нейкая такая істота, эгрэгар нейкі, фантом».
Павук сцвярджае, што мэты патэлефанаваць Лукашэнку ў яго няма.
«Гэта проста дзірка, у якую можна скідаць усе праблемы. Усё, што бруднае і дрэннае ў Беларусі, — гэта ўсё ад Лукашэнкі. Гэта такая груша для біцця, калі ты тэлефануеш чыноўнікам».
Павук прызнаецца, што баіцца тэлефанаваць Лукашэнку. Як ён тлумачыць, Лукашэнка «вельмі добры стэндапер, і ты яму ўжо за гэтыя 30 гадоў верыш, што ён такі люты».
«Я яго баюся насамрэч, гэту ўсю лютасць. Мне было б няёмка з ім размаўляць. Але гэта б мяне не спыніла.
Таму што ў мяне былі такія персанажы, з якімі мне таксама было няёмка размаўляць. Але потым ты бярэш сябе ў рукі і шукаеш нейкія моманты, дзе можна пра штосьці [паспрачацца]. Гэта, дарэчы, вельмі добры трэнажор для аратарскага мастацтва, для дэбатаў, калі ты трапляеш у непрыемную, незвычайную сітуацыю і табе трэба неяк адтуль вылазіць».
Цяпер чытаюць
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2525
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі25
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю1010
Каментары