Канцлер Германіі Олаф Шольц 15 лістапада пагаварыў па тэлефоне з Уладзімірам Пуціным.
Пра гэта паведаміла выданне Süddeutsche Zeitung. Размова адбылася «пасля працяглай падрыхтоўкі».
Кабінет міністраў ФРГ пацвердзіў факт размовы.
Пішацца, што канцлер Германіі асудзіў агрэсіўную вайну Расіі супраць Украіны і заклікаў Пуціна спыніць яе і вывесці войскі.
Шольц заклікаў Расію да перамоваў з Украінай «з мэтай устанаўлення справядлівага і трывалага міру». А таксама адзначыў, што Германія будзе і далей падтрымліваць Украіну «ў яе абарончай барацьбе супраць расійскай агрэсіі», пакуль гэта неабходна.
Кабмін ФРГ паведамляе, што Шольц загадзя перагаварыў па тэлефоне з прэзідэнтам Украіны Уладзімірам Зяленскім і зробіць гэта пасля размовы з Пуціным.
Апошняя тэлефонная размова паміж Пуціным і Шольцам адбылася ў снежні 2022 года.
Раней Шольц казаў, што гатовы гаварыць з Пуціным аб магчымых рашэннях для спынення вайны ва Украіне.
Цяпер чытаюць
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску
Каментары
Входим в реалполитик без идеалов и ценностей.
Немецкий комсомолец шольц понимает, что могут двинуть компромат.
Да и лукашенки создали НАСОС по выкачиванию миллиардов, на личные счета, в банки ОАЭ, Китая, Венесуэлы и прочих офшорных юрисдикции в виде РБ имени лукашенок. И НАСОС работает исправно, просто надо смазывать репрессиями вовремя.