З такой прапановай да яго звярнуўся комік Ідрак Мірзалізадэ.
У верасні гэтага года стэндап-комікі з Беларусі адкрылі ў Варшаве клуб Stand Up Lokal, дзе кожны тыдзень ладзяць камедыйныя шоу.
У адкрыцці новай прасторы прыняў удзел Слава Камісаранка. Пра гэта комік расказаў у першым выпуску падкаста «Локал Live».
«Мне звоніць Ідрак [Мірзалізадэ] і кажа: «Слухай, мы збіраемся адкрыць клуб з хлопцамі ў Варшаве. Будзе крута». Я кажу: «Так, гэта здорава». Ён кажа: «Нам патрэбны чалавек, які (…) можа паўдзельнічаць фінансава, і, адпаведна, у гэтым усім паўдзельнічаць. Што ты скажаш?»
Па словах Камісаранкі, ён папрасіў два дні на тое, каб падумаць:
«Ідрак мне ўсё гэта гаворыць, я адказваю: «Мне трэба два дні падумаць». Я два дні думаў, і зразумеў, што гэта ўсё непрыгожа — лезці ў кіраванне клуба, калі ты не збіраешся гэтым займацца».
Як патлумачыў Камісаранка, прымаць удзел у кіраванні клубам ён не можа па прычыне таго, што «незразумела дзе жыве, сёння там, заўтра тут».
«Я перазваніў Ідраку і кажу: «Хлопцы, я магу ў гэтым проста фінансава паўдзельнічаць і ў гэта проста не лезці». Ідрак сказаў: «О, так нават лепш!»
Як прызнаўся сам Ідрак, ён думаў, як прапанаваць Камісаранку ўдзеле ў новай справе «правільна з пункту погляду бізнэсу», каб у выніку той уклаўся фінансава, але не перашкаджаў кіраваць клубам.
Цяпер чытаюць
«Я не хачу адпускаць жыццё». У пісьменніцы Святланы Курс рак на позняй стадыі1
Каментары