Свет1010

Вось што Меркель напісала пра Трампа ў сваіх мемуарах

Былая канцлер Германіі Ангела Меркель, якая кіравала краінай 16 гадоў, раскрыла падрабязнасці сваіх адносін з Дональдам Трампам падчас яго першага тэрміну прэзідэнцтва. Фрагменты мемуараў Меркель, якія хутка выйдуць у свет, апублікавала выданне Die Zeit.

Дональд Трамп і Ангела Меркель. Фота: Francois Mori / AP

У сваіх мемуарах былая канцлер Германіі Ангела Меркель апісвае стыль паводзінаў Дональда Трампа, піша Politico са спасылкай на нямецкае выданне Die Zeit, у распараджэнні якога аказаліся фрагменты мемуараў.

«Трамп аналізаваў усё з пункту гледжання прадпрымальніка, якім быў да палітыкі. У яго менталітэт забудоўшчыка — кожны ўчастак можна было выкарыстоўваць толькі адзін раз. Калі ён яго не атрымліваў, значыць, яго атрымліваў хтосьці іншы. Гэтак жа ён глядзеў і на свет», — піша Меркель.

Паводле слоў былога канцлера, для Трампа ўсе краіны былі адна для адной выключна канкурэнтамі, і поспех адной для яго азначаў няўдачу іншай — ён не верыў у росквіт усіх за кошт супрацоўніцтва.

Меркель у мемуарах прызнаецца, што Трамп для яе быў складаным суразмоўцам. Тая нават звярнулася па параду да Папы Рымскага Францыска, каб даведацца, як лепш паводзіць сябе з амерыканскім прэзідэнтам.

«Не называючы імёнаў, я аднойчы спытала Францыска, як бы ён даў рады з прынцыпова рознымі думкамі сярод уплывовых лідараў», — распавядае Меркель, маючы на ўвазе пагрозы Трампа вывесці ЗША з Парыжскага пагаднення па клімаце 2015 года.

«Францыск адразу мяне зразумеў і адказаў проста: «Гні, гні, гні, але асцярожна, каб не зламаць». Мне спадабалася гэтая метафара. У такім духу я і паспрабавала ў Гамбургу вырашыць сваю праблему з Парыжскім пагадненнем і Трампам», — успамінае Меркель.

Макрон, Меркель і Трамп падчас саміту G-20 у Гамбургу, ліпень 2017 года. Фота: John MacDougall / AP

Значная частка ўспамінаў былога канцлера пра Трампа, як адзначае Die Zeit, тычыцца першай сустрэчы з ім у Белым доме ў сакавіку 2017 года.

«Мы гаварылі на двух розных узроўнях: я аперавала фактамі, ён — эмоцыямі. На мае аргументы ён звяртаў увагу, як правіла, толькі для таго, каб пабудаваць на іх аснове новыя абвінавачванні.

З нашых першых адносін я зрабіла важную выснову: ніякая сумесная праца з Трампам для сусветнага развіцця немагчыма», — падкрэслівае Меркель у мемуарах.

Палітык дадае, што фактар Трампа вымусіў яе публічна заяўляць аб тым, што Еўропа павінна больш актыўна адстойваць свае каштоўнасці і прынцыпы, не спадзеючыся на іншых.

Меркель і Трамп падчас сустрэчы ў Белым доме ў сакавіку 2017 года. Фота: Pablo Martinez Monsivais / AP

Меркель таксама адзначае, што падчас сустрэчы ў сакавіку 2017 года Трамп хацеў даведацца яе меркаванне пра Пуціна.

«Дональд Трамп задаў мне шэраг пытанняў, у тым ліку пра маё ўсходнегерманскае паходжанне і асабліва пра мае адносіны з Пуціным. Ён, відаць, быў вельмі зачараваны расійскім прэзідэнтам. У далейшым у мяне склалася ўражанне, што яго прывабліваюць палітыкі з аўтакратычнымі і дыктатарскімі рысамі», — рэзюмавала Меркель у сваіх мемуарах.

Каментары10

  • ...
    21.11.2024
    З нашых першых адносін я зрабіла важную выснову: ніякая сумесная праца з Трампам для сусветнага развіцця немагчыма», — падкрэслівае Меркель у мемуарах.
    ...
    значыць чарговаму браку двух сясцёр (расеі і германіі) быць. газаправод не дасьць саўраць
  • Ладзік
    21.11.2024
    Хай гэтая штазістка раскажа лепш пра сваё сяброўства з фройндам Владіміром
  • Лол
    21.11.2024
    А Меркель не ўзгадала ў мемумарах, як Трамп змагаўся супраць дамінавання расійскага газа ў ЕС, забараняў Паўночны паток, а Меркель змагалася за Паток і расійскі газ.
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Беларусы выкупілі пад Мінскам дзевяць участкаў, каб жыць цеснай кампаніяй. Адно месца яшчэ вакантнае5

Беларусы выкупілі пад Мінскам дзевяць участкаў, каб жыць цеснай кампаніяй. Адно месца яшчэ вакантнае

Усе навіны →
Усе навіны

Амбразевіч прызначаны паслом пры Ватыкане, Матусевіч — намеснікам кіраўніка Адміністрацыі1

Расійскі тэлеканал замазаў фота Алы Пугачовай у адным з фільмаў5

Кіберпартызаны ўпрыгожылі партал Банка Развіцця віншаваннямі да Дня Волі

Як звесці рызыку інфаркту да мінімуму?

Беларус надрукаваў на 3D-прынтары пісталет-кулямёт2

Азараў расказаў, чым будзе займацца яго дэтэктыўнае бюро «Рэкс»6

Чарговы скандал з адміністрацыяй Трампа: журналісты знайшлі ў інтэрнэце персанальныя даныя топ-чыноўнікаў4

«Мой заробак у Польшчы вырас у дзесяць разоў» — гінеколаг Ганна Каско50

Міністр абароны Літвы: Няма гарантыі, што вайскоўцы ЗША ў машыне — правяраюцца і іншыя версіі1

больш чытаных навін
больш лайканых навін

Беларусы выкупілі пад Мінскам дзевяць участкаў, каб жыць цеснай кампаніяй. Адно месца яшчэ вакантнае5

Беларусы выкупілі пад Мінскам дзевяць участкаў, каб жыць цеснай кампаніяй. Адно месца яшчэ вакантнае

Галоўнае
Усе навіны →

Заўвага:

 

 

 

 

Закрыць Паведаміць