Канапацкая сцвярджае, што яе каманда збірае ў дзень мінімум па чатыры тысячы подпісаў
Сюжэт пра тое, як патэнцыйная кандыдатка ў прэзідэнты збірае подпісы, быў паказаны вечарам у навінах на «Беларусь-1».
Канапацкая заявіла, што яе каманда збірае мінімум па чатыры тысячы подпісаў за дзень.
«Мая кампанія складаецца з прафесіяналаў, якія прайшлі не адну кампанію па зборы подпісаў… Мы працуем па ўсіх рэгіёнах. Для членаў маёй кампаніі ўстаноўлена мінімальная планка — 4 тысячы подпісаў у дзень, і магу сказаць, што гэты план выконваецца і перавыконваецца, і сёння (у пятніцу) я атрымлівала ў ЦВК дадатковыя пакеты для збору подпісаў, бо мы апераджаем графік для збору», — сказала яна.
Яна таксама падзякавала кіраўнікам прыватных і дзяржаўных прадпрыемстваў, якія выконваюць заканадаўства і дазваляюць збор подпісаў на працоўных месцах.
Паколькі збор подпісаў стартаваў 7 лістапада, то можна меркаваць што каманда Канапацкай па стане на пятніцу, 22 лістапада, сабрала прыкладна 60—64 тысячы подпісаў.
Збор подпісаў скончыцца 6 снежня. Сяргей Сыранкоў і Аляксандр Хіжняк пакуль не агучвалі лічбы.
Раней казалі, што за Лукашэнку ўжо напісалі паўтара мільёна подпісаў, а Гайдукевіч сцвярджае, што сабраў неабходныя 100 тысяч.
Шумчанку, якога не ўзялі кіроўцам на «хуткую», паклікалі кіраваць штабам Канапацкай
Калі Канапацкая стала цалкам падкантрольная Лукашэнку?
Былы памочнік Канапацкай настойвае: у яе быў нямецкі дазвол на жыхарства, таму рэгістраваць яе кандыдаткай нельга
Вазняк падтрымаў Канапацкую і запэўніў, што яна будзе дабівацца вызвалення палітвязняў
«Мае спінагрызы са мной». Ціханоўская расказала, што ўжо выбірае для дзяцей школу ў Варшаве12
Каментары