«Калі б ён пайшоў па іншым шляху, было б па-іншаму». Камандзір Палка Каліноўскага пракаментаваў сітуацыю з Верамейчыкам
У суботу байцы Палка Каліноўскага наведалі Вільню. Іх камандзір Павел Шурмей пракаментаваў сітуацыю з затрыманым у В'етнаме і дэпартаваным у Беларусь Васілём Верамейчыкам.
«Ад самага пачатку робіцца ўсё магчымае. Каб усе зразумелі — некаторыя справы трэба рабіць ціха. Але каб нехта не сказаў, што можна замаўчаць праблему», — сказаў Павел Шурмей.
Ён таксама дадаў, што часць, дзе служыў Верамейчык, дакладна не рабіла забароны на ўезд таго ва Украіну.
«Ва Украіне высвятляюць абставіны, чаму ў Васіля была забарона. Трэба ведаць, што і як было. Калі чалавек жадае трапіць ва Украіну, нават былы ваяр, бываюць выпадкі, калі чалавек нешта робіць, да чаго тыя ж памежнікі могуць паставіцца па-службоваму. Як і літоўская дзяржава, якая паглядзела кейс Васіля і паставіла птушачку. Калі б ён пайшоў па іншым шляху, было б па-іншаму», — падзяліўся Павел Шурмей.
Каментары