Знялі з пасады камандуючага расійскай групы войскаў «Поўдзень». Кажуць, што брахаў начальству пра поспехі
Камандуючы расійскай групы войскаў «Поўдзень» генерал-палкоўнік Генадзь Анашкін зняты з пасады, паведаміла выданне РБК крыніца, знаёмая з кадравымі перастаноўкамі.
Інфармацыю РБК пацвердзіла крыніца ў Мінабароны Расіі, паведаміўшы, што гэта, маўляў, планавая ратацыя. Але яшчэ да гэтага пра адстаўку генерала паведамілі Z-ваенкары, і іхняя версія яе прычын зусім іншая.
Так, блізкі да Мінабароны Расіі тэлеграм-канал «Рыбарь» сцвярджае, што Анашкіна знялі з-за праблем на Северскім кірунку фронту (Данбас) і неапраўданыя страты. Іншыя ваенкары трымаюцца падобнай думкі.
«Прычына называецца ўсё тая ж — сітуацыя на Северскім кірунку: увядзенне ў зман вышэйстаячага камандавання, утойванне рэальнай абстаноўкі, паколькі падраздзяленні ГВ «Поўдзень» таксама ваююць і пад Северскам», — паведамляе телеграм-канал «Военный информатор».
Паводле яго даных, камандзіры на гэтым кірунку хавалі рэальныя страты і дакладвалі няслушную інфармацыю пра становішча на фронце.
«Зусім нядаўна з-пад Северска спачатку сталі прыходзіць хлуслівыя паведамленні пра нібыта глыбокія паспяховыя прарывы, а пасля пачаліся непадрыхтаваныя атакі калонамі на пазіцыі праціўніка, якія прывялі да цяжкіх страт і мінімальных вынікаў», — удакладніў «Военный информатор».
Генадзь Анашкін сярод іншага мае званне Героя Расіі за камандаванне расійскімі падраздзяленнямі падчас нападу на Грузію ў 2008 годзе. Да вясны 2024 года ён быў камандуючым 8-й гвардзейскай агульнавайсковай арміяй, у маі гэтага года ён быў прызначаны часовым выканаўцам абавязкаў камандуючага войскамі Паўднёвай вайсковай акругі.
Кепскі мір ці зацяжная вайна. Як Украіна рыхтуецца да таго, што Трамп паспрабуе адразу пасадзіць яе за стол перамоваў
Пяскоў пра план Эрдагана: Варыянт замарозкі па лініі фронту апрыёры непрымальны для Расіі
Z-блогер «Трынаццаты», які крытыкаваў Мінабароны і Крэмль, замест суда паедзе на вайну
Ці сапраўды «пасыпаўся» ўкраінскі фронт на Данбасе?
«Мякка кажучы, ніякай капітуляцыяй не пахне». Z-ваенкар засцярог расіян ад ваеннай эйфарыі
Хто з палітвязняў выйшаў на свабоду 16 верасня ПОЎНЫ СПІС23
Каментары