Кадыраў прывёз на сваю прамую лінію ўкраінскіх палонных і прапанаваў аднаму з іх застрэліцца
Прыехаў на прамую лінію Кадыраў на амерыканскім БМП.
Рамзан Кадыраў сёння ладзіць прамую лінію, падчас якой адказвае на пытанні жыхароў Чачні. З мерапрыемства па традыцыі вырашылі зладзіць прапагандысцкае шоу.
На прамую лінію Кадыраў прыехаў на амерыканскім БМП Bradley — як сцвярджаецца, трафейным. Таксама ў БМП прывезлі палонных украінскіх вайскоўцаў.
Каля вайсковай тэхнікі Кадыраў на камеру вырашыў пагаварыць з адным з украінцаў. Кіраўнік Чачні прапанаваў таму застрэліцца.
Паміж імі адбыўся такі дыялог.
— Лепш бы памёр там, чым трапіў у палон. Калі ты такі ваяр. Я табе зараз дам пісталет, застрэлішся?
— Не.
— Чаму?
— Я жыць хачу.
— Навошта? Вайна — забіваюць. Ты ж выйшаў забіваць, паміраць. Я табе дам пісталет, ты застрэліш сябе, памрэш як герой.
— Не.
— Гэта табе не казка, не мультфільм Ілья Мурамец.
Пасля гэтага Кадыраў выступіў перад, як сцвярджаецца, палоннымі ўкраінцамі. Ён прапанаваў паставіць іх на дахах у Грозным, каб украінскія дроны не атакавалі аб'екты ў Чачні.
«Як быццам з адпачынку вы прыехалі. Трэба іх па аб'ектах, якія знялі амерыканскія спадарожнікі, па гэтых аб'ектах на дах паставіць іх усіх. Хай ахоўваюць нашу тэрыторыю», — заявіў Кадыраў.
Кадыраў заявіў, што адмяніў свой загад не браць у палон украінскіх вайскоўцаў
Кадыраў загадаў чачэнцам не браць у палон салдат УСУ
Кадыраў заявіў пра спробу замовіць на яго замах і папярэдзіў аб помсце
Рамзан Кадыраў працягнуў серыял пра Tesla Cybertruck з кулямётам ад Ілана Маска
Рамзан Кадыраў выгуляў па Грозным матацыкл «Мінск»
Каментары
Кавказский зверь.... что-то надо делать на каждом КМ и по всему миру...