Kadyraŭ pryvioz na svaju pramuju liniju ŭkrainskich pałonnych i prapanavaŭ adnamu ź ich zastrelicca
Pryjechaŭ na pramuju liniju Kadyraŭ na amierykanskim BMP.
Ramzan Kadyraŭ siońnia ładzić pramuju liniju, padčas jakoj adkazvaje na pytańni žycharoŭ Čačni. Ź mierapryjemstva pa tradycyi vyrašyli zładzić prapahandysckaje šou.
Na pramuju liniju Kadyraŭ pryjechaŭ na amierykanskim BMP Bradley — jak śćviardžajecca, trafiejnym. Taksama ŭ BMP pryvieźli pałonnych ukrainskich vajskoŭcaŭ.
Kala vajskovaj techniki Kadyraŭ na kamieru vyrašyŭ pahavaryć z adnym z ukraincaŭ. Kiraŭnik Čačni prapanavaŭ tamu zastrelicca.
Pamiž imi adbyŭsia taki dyjałoh.
— Lepš by pamior tam, čym trapiŭ u pałon. Kali ty taki vajar. Ja tabie zaraz dam pistalet, zastrelišsia?
— Nie.
— Čamu?
— Ja žyć chaču.
— Navošta? Vajna — zabivajuć. Ty ž vyjšaŭ zabivać, pamirać. Ja tabie dam pistalet, ty zastreliš siabie, pamreš jak hieroj.
— Nie.
— Heta tabie nie kazka, nie multfilm Ilja Muramiec.
Paśla hetaha Kadyraŭ vystupiŭ pierad, jak śćviardžajecca, pałonnymi ŭkraincami. Jon prapanavaŭ pastavić ich na dachach u Hroznym, kab ukrainskija drony nie atakavali abjekty ŭ Čačni.
«Jak byccam z adpačynku vy pryjechali. Treba ich pa abjektach, jakija źniali amierykanskija spadarožniki, pa hetych abjektach na dach pastavić ich usich. Chaj achoŭvajuć našu terytoryju», — zajaviŭ Kadyraŭ.
Kadyraŭ zajaviŭ, što admianiŭ svoj zahad nie brać u pałon ukrainskich vajskoŭcaŭ
Kadyraŭ zahadaŭ čačencam nie brać u pałon sałdat USU
Kadyraŭ zajaviŭ pra sprobu zamović na jaho zamach i papiaredziŭ ab pomście
Ramzan Kadyraŭ praciahnuŭ sieryjał pra Tesla Cybertruck z kulamiotam ad Iłana Maska
Ramzan Kadyraŭ vyhulaŭ pa Hroznym matacykł «Minsk»
«Ja pavinien pazvanić našamu kurataru». Jak zavozili mihrantaŭ u Biełaruś — cikavyja detali ź pierachoplenych telefonnych razmoŭ4
Kamientary
Kavkazskij źvieŕ.... čto-to nado diełať na každom KM i po vsiemu miru...