Выйшаў на волю ліванец-хрысціянін, які правёў у турмах Асада 33 гады. Яго выкралі сірыйскія вайскоўцы
Сухейля Хамаві сустрэлі ў родным горадзе як героя.
Ліванец Сухейль Хамаві вызваліўся пасля 33 гадоў, праведзеных у турмах рэжыму Асада ў Сірыі.
61-гадовы Хамаві вярнуўся ў родны горад Шыка, дзе яго сустрэлі, як героя, піша France24 са спасылкай на AFP.
Падчас грамадзянскай вайны ў Ліване 1975—1990 гадоў Сірыя фактычна кантралявала большую частку краіны. За гэты час тысячы ліванцаў, якія выступалі супраць акупацыі і рэжыму Хафеза Асада, былі арыштаваныя або прапалі без вестак. Сірыя вывела свае войскі з Лівана толькі ў 2005 годзе.
بلدة شكا اللبنانية تستقبل ابنها المحرّر من سجون بشار الأسد، سهيل حموي.
Moment Lebanese Souheil Hamwi arrives in Lebanon after being kidnapped by the Assad regime and held in Syrian prisons for 33 years! #lebanon #lebanese #Syria pic.twitter.com/IHmHb96PnL
Як расказвае жонка Сухейля Жазэфін, ён быў фактычна выкрадзены з уласнага дома сірыйскімі вайскоўцамі.
«Трыццаць тры гады таму яны прыйшлі да нас у дом, сказалі, што хочуць пагаварыць з маім мужам. Пасля гэтага ён знік на 11 гадоў», — успамінае Жазэфін.
Толькі праз дзесяцігоддзе жанчыне ўдалося высветліць, у якой турме знаходзіцца яе муж. Пасля гэтага яна наведвала яго ў зняволенні і спадзявалася, што аднойчы яго адпусцяць.
Сам Хамаві расказаў, што на працягу 33 гадоў яго пераводзілі з адной турмы ў іншую. Сваё абвінавачванне ён даведаўся толькі праз 20 гадоў зняволення: сірыйскія сілавікі заявілі, што ён быў сябрам кааліцыі хрысціянскіх арганізацый «Ліванскія сілы».
Некаторы час Хамаві правёў і ў самай сумнавядомай турме Сейдная. Там ён пісаў вершы, якія прысвячаў жонцы і сыну.
На волі Хамаві сустрэлі не толькі жонка, сын і брат-блізнюк, але і ўнукі.
«Я не адчуваў свайго ўзросту, пакуль дачка майго сына не назвала мяне дзядулем. Менавіта тады я ўсвядоміў, што страціў так шмат часу», — расказаў былы вязень.
Тысячы зняволеных былі вызваленыя з сірыйскіх турмаў пасля звяржэння рэжыму Башара Асада. Хамаві стаў сярод іх першым ліванцам, які вярнуўся дадому.
У сірыйскай турме знайшлі труп закатаванага актывіста, які прапаў 4 гады таму. Ён паверыў рэжыму і вярнуўся з Берліна
«Асад паў. Не бойцеся». Як вызваляюць вязняў сумна вядомых турмаў Сірыі
З турмы Асада вызвалілі лётчыка, які адмовіўся бамбіць сірыйскі горад. Вось як ён выглядае пасля 43 гадоў зняволення ФОТА
Арыштавалі прадстаўнікоў кампаніі Bayer у Беларусі15
Каментары