Памятаеце Арцёма, які адкрыў махлярскі збор у Польшчы? Ён знайшоўся ў Беларусі. За кратамі
Арцём Таўстыка — беларус, які стаяў за махлярскім зборам нібыта на карысць сястры-ўцякачкі ў Польшчы.
Нагадаем, што некалькі месяцаў таму ў сеціве з’явіўся збор, напісаны ад імя беларускіх палітуцекачоў. Аўтар збору — пазней высветлілася, што гэта 30-гадовы Арцём Таўстыка — пісаў, што быццам збег з Беларусі разам з сястрой, а ў Польшчы яна нарадзіла дзіця.
Мужчына прасіў дапамогу нібыта на аплату медыцынскіх рахункаў сястры, уціраўся ў давер да праваабаронцаў. Аднак блогеры ў твітары разабраліся ў сітуацыі і прыйшлі да высновы, што збор быў махлярскім. Таўстыка вырашыў проста зарабіць на салідарнасці неабыякавых беларусаў.
Таўстыка нейкі час насамрэч быў за мяжой, але пасля знік. Ніхто не ведаў, дзе ён знаходзіцца.
І вось цяпер у раскладзе суда Маскоўскага раёна (Мінск) з'явілася інфармацыя аб тым, што 12 снежня 2024 года пачынаецца крымінальны працэс над Арцёмам Уладзіміравічам Таўстыкам. Яго абвінавачваюць па артыкуле 209 ч.3 КК — махлярства, здзейснейнае ў буйным памеры.
«Наша Ніва» даведалася з дапамогай «Белпола», што ў Беларусі больш няма людзей з такімі ж пашпартнымі звесткамі. То-бок судзіць пачынаюць аўтара менавіта таго збора, таго самага Таўстыку.
Як высветлілася, гэта ажно пятая крымінальная справа ў жыцці мужчыны. Усе папярэднія гісторыі таксама былі звязаныя з махлярствамі, прычым у кожнай з іх гаворка ішла пра некалькі эпізодаў. Таксама Таўстыку судзілі па артыкуле 212 КК — крадзеж маёмасці шляхам мадыфікацыі камп’ютарнай інфармацыі. Магчыма, гаворка ішла пра выкарыстанне грошай з чужой банкаўскай карткі.
Якое махлярства інкрымінуецца яму цяпер, пакуль невядома.
«Наша Нiва» — бастыён беларушчыны
ПАДТРЫМАЦЬ
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?11
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?1
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
Каментары