«Як з салёнай карамеллю». Беларус апублікаваў рэцэпт папулярнага дубайскага шакаладу, але з дранікам
Апошнім часам усе вакол памяшаліся на дубайскім шакаладзе. Дэсерт з фісташкавым начыннем спачатку прадаваўся ў Дубаі, але, дзякуючы маркетынгу і блогерам, стаў вядомым на ўвесь свет, і вось ужо яго прадаюць на розных інтэрнэт-пляцоўках і ў кандытарскіх.
Беларускі тыктокер вырашыў дадаць прысмаку нацыянальнага каларыту — так на свет з’явіўся дубайскі шакалад з дранікам.
Яго пакрокавым рэцэптам хлопец падзяліўся ў відэа.
У каментарах многія ўхвалілі ідэю: «Ёсць сала ў шакаладзе, а ў нас будзе дранік»; «Шакалад — смачна, дранікі — смачна, не бачу праблемы».
Нехта папраўляў хлопца: «Гэта ўжо наш беларускі шакалад, а не дубайскі».
Не абышлося і без вечных спрэчак: «Вы не на той тарцы бульбу натаркавалі».
Сам блогер пасля дэгустацыі адзначыў, што бульба ў дэсерце амаль не адчуваецца: «Гэта як шакалад з салёнай карамеллю».
Адзначым, што гэта ўжо не першая спроба аб’яднаць беларускі папулярны прадукт з сусветным трэндам. Так, тыктокерка Крысціна не так даўно эксперыментавала са спалучэннем шакаладу і таўканіцы — бульбянога пюрэ.
Как тебе такое, Кокобай! Белорусский дубайский шоколад с начинкой из картошки
Крысціна адзначыла, што такі дэсерт будзе цудоўным сувенірам з Беларусі, пра які «ніколі не забудуць». Пры гэтым гатуецца ён усяго за 30 хвілін. Але на смак… «Есці немагчыма», — каментавала дзяўчына.
Беларуска запісала тыкток пра вяртанне сына са школы — і сабрала 7 мільёнаў праглядаў
Беларуска збірала мужу ссабойкі, якімі захапляўся ўвесь тыкток — а ён кінуў яе ў гадавіну вяселля
Канал «Россия» расказаў, як сямейная пара расейцаў з тату на твары пакутуе ў Польшчы. А гэта беларусы, і ў іх усё добра
Прапагандысты запэўніваюць, што 196 палітвязняў ужо на свабодзе9
Каментары