Эстонія абмяжоўвае ўдзел сваёй моладзі ў мерапрыемствах на тэрыторыі Беларусі і Расіі
Міністэрства замежных спраў Эстоніі абвясціла аб увядзенні забароны на арганізацыю ўдзелу грамадзян краіны ва ўзросце да 21 года і такіх жа асоб, якія маюць дазвол на жыхарства ў краіне, у мерапрыемствах, якія праводзяцца ў інтарэсах Расіі і Беларусі на іх тэрыторыі і на акупаваных тэрыторыях Украіны.
Акрамя таго, забараняецца загадзя і непасрэдна спрыяць удзелу ў такіх мерапрыемствах, прымаць якія-небудзь сродкі або выгады ад устаноў, арганізацый і асоб, якія арганізуюць або падтрымліваюць такую дзейнасць, гаворыцца ў паведамленні МЗС краіны.
«Расія шукае спосабы апраўдаць сваю агрэсію і распаўсюдзіць сваю ідэалогію, і адзін са спосабаў зрабіць гэта — праз культуру, працу з моладдзю і спорт. Асабліва жудасна, калі дзейнасць па аказанні ўплыву накіраваная на дзяцей і маладых людзей, якія могуць не разумець, што за велізарнай магчымасцю можа хавацца небяспека», — гаворыцца ў заяве міністра замежных спраў Эстоніі Маргуса Цахкны.
Міністр падкрэсліў, што прынятыя эстонскай дзяржавай меры накіраваныя не супраць моладзі, а супраць арганізатараў мерапрыемстваў.
Цяпер чытаюць
Стала вядомае імя другой беларускі, якая згінула пад селем у Непале. Гэта 24‑гадовая Ірына з журфака БДУ3
Стала вядомае імя другой беларускі, якая згінула пад селем у Непале. Гэта 24‑гадовая Ірына з журфака БДУ
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну55
Каментары