Кітай сцвярджае, што стварыў першыя ў свеце дроны з лазернай зброяй
«Здольны імгненна разразаць плоць і метал».
Кітайскія навукоўцы распрацавалі новы тып зброі для кампактных дронаў — магутныя лазеры, здольныя растапляць металы і прапальваць чалавечую скуру за долі секунды.
Як піша выданне South China Morning Post, на невялікім FPV-дроне быў нядаўна паспяхова пратэставаны лазер магутнасцю 1 кілават з даўжынёй хвалі 1080 нанаметраў, які нябачны для чалавечага вока і пры гэтым можа расплавіць стальную пліту таўшчынёй 2,54 см усяго за 17 секунд.
«Магутнасць гэтай зброі настолькі вялікая, што нават імгненны кантакт з лазерам можа прывесцí да сур'ёзных апёкаў цела, знішчэння матэрыялаў і слепаты», — адзначаецца ў новым даследаванні кітайскіх навукоўцаў.
Хоць кілаватныя лазеры яшчэ занадта цяжкія для таго, каб усталёўваць іх непасрэдна на дроны, але каманда даследчыкаў з Кітая, па яе сцвярджэнні, знайшла выхад — лазерная ўстаноўка знаходзіцца на зямлі, а дрон абсталяваны адмысловай сістэмай гіравых стабілізатараў і тэлескапічных труб. Першы элемент збірае лазерны прамень з наземнай базы, а другі адбівае яго на праціўніка. Такая тэхналогія дазваляе хутка і эфектыўна накіроўваць баявы лазер.
Асноўная небяспека новай тактыкі выкарыстання лазернай зброі праз дроны, на думку кітайскіх навукоўцаў, складаецца ў тым, што такая зброя «амаль не пакідае шанец на выратаванне жыцця пацярпелага».
Цяпер чытаюць
«Ні тады, ні сёння я не лічу, што зрабіў штосьці кепскае». Дзядок шчыра расказаў пра былыя адносіны з 16‑гадовай дзяўчынай20
Каментары
"усяго" 17 секунд.
ворагу трэба пачакаць i не варушыцца.
Хто трохі валодае аб чым гаворка, - магутнасць лазэра даўно не праблема.
Нават у Беларусі ёсць такія распрацоўкі.
Галоўная бяда як раз утрыманне экспазіцыі хоць долю секунды.
І гэтае пытанне яшчэ ніхто добра не вырашыў.