У гандлёвым цэнтры «Чэрвеньскі» адкрылася крама беларускіх цацак. Толькі беларускіх, і ніякіх іншых. Магазін атрымаў назву «Беларуская цацка» і стаў першай кропкай новай сеткі, паведамляе BelRetail.
Развіццём новай сеткі займаецца кампанія «Краіна цацак», якая ўжо валодае сеткай крам FUNtastik.
Асноўная адметнасць «Беларускай цацкі» ў тым, што тут прадстаўлена выключна прадукцыя беларускіх вытворцаў. У адрозненне ад магазінаў FUNtastik, тут можна знайсці тавары для ўсіх узростаў: ад самых маленькіх да дарослых. Кампанія адзначае, што ўсе цацкі вылучаюцца высокай якасцю, бяспекай і даступнымі цэнамі.
У краме прадстаўлены шырокі асартымент прадукцыі ад вядомых беларускіх брэндаў: «Палессе», Fancy, Genio Kids, Dream Makers і іншых.
Крама знаходзіцца на другім паверсе гандлёвага цэнтра «Чэрвеньскі» (вул. Маякоўскага, 6).
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім4
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі1010
Каментары