Рускую масленічную забаву чамусьці вырашылі правесці ў Магілёве з нагоды Новага года.
Першы чэмпіянат па кіданні валёнка ў Магілёве адбыўся ў парку Падніколле, у ім узялі ўдзел некалькі дзесяткаў чалавек. Удзельнікаў падзялілі на тры катэгорыі: хлопчыкі і дзяўчынкі да 10 гадоў уключна, юнакі і дзяўчаты ад 11 да 17 гадоў, мужчыны і жанчыны старэйшыя за 18 гадоў.
Пасля кваліфікацыйных спаборніцтваў журы адабрала па пяць лепшых кідаўцоў валёнка, якія змагаліся ў фінале. Удзельнікі кідалі валёнак 43-га памеру. 10-гадовы магілёвец Іван Аляксеев, напрыклад, закінуў «снарад» на 18 метраў. А дырэктар мясцовага цэнтра алімпійскага рэзерву па лёгкай атлетыцы Дзмітрый Чыгір кінуў валёнак на 35 метраў.
Увогуле, кіданне валёнка — гэта руская масленічная традыцыя. У Расіі валёнкі ў старадаўнія часы кідалі нават праз раку. На тэрыторыі Беларусі такі абутак распаўсюдзілася толькі ў XIX стагоддзі. Сёння ў Беларусі валёнкі вырабляюць у Смілавічах. Абутак таксама робяць шапавалы на Дрыбіншчыне.
Рэспекты ад дактароў і спецыфіка ў войску. Прынцыпова беларускамоўны юнак расказаў, як ён адслужыў7
Каментары