Польшча на гэты момант не разглядае адкрыцця пунктаў пропуску на мяжы з Беларуссю праз адсутнасць крокаў насустрач па гэтых пытаннях з боку Мінска. Пра гэта на прэс-канферэнцыі ў Беластоку пасля сустрэчы з мясцовымі сілавымі структурамі заявіў міністр унутраных спраў і адміністрацыі Польшчы Томаш Семоняк, піша Reform.news.
«Мы вельмі хацелі б, каб памежныя пераходы былі адкрытыя, але няма ніякіх прыкмет таго, што гэта адбудзецца ў найбліжэйшай будучыні», — сказаў ён.
«Прычыны знаходзяцца на беларускім баку. Анджэй Пачобут усё яшчэ знаходзіцца ў зняволенні. Розныя заявы пра яго магчымае вызваленне не пацвердзіліся фактамі. Ніякага супрацоўніцтва з беларускага боку не назіраецца ў дачыненні да інфармацыі пра забойства польскага салдата летась. І мы ўсё яшчэ маем справу з сітуацыяй на мяжы, якая не пакідае сумневаў у тым, што менавіта беларускія службы арганізуюць і садзейнічаюць гэтай гібрыднай агрэсіі», — дадаў міністр.
Семоняк падкрэсліў, што якія-небудзь дзеянні польскага боку па адкрыцці пунктаў пропуску магчымыя толькі пры наяўнасці добрай волі з боку Мінска.
«Таму пакуль не будзе добрай волі з беларускага боку, з нашага боку проста няма магчымасці для якіх-небудзь дзеянняў. Кожнае з узгаданых мной дзеянняў мы ўспрымаем як дзеянне супраць Польшчы», — заключыў ён.
Нагадаем, што на дадзены момант на беларуска-польскай мяжы дзейнічае толькі адзін пераход для грузавых аўтамабіляў — Казловічы — Кукурыкі, а таксама адзін для легкавога транспарту і аўтобусаў — Брэст-Тарэспаль. На фоне зімовых святаў чэргі на выезд з Беларусі праз гэты пункт перавышалі 2500 легкавых аўтамабіляў і 100 аўтобусаў. Сёння раніцай, паводле звестак Дзяржпагранкамітэта, у чарзе знаходзілася 2000 легкавых аўтамабіляў.
Памятаеце пару студэнткі і выкладчыка духоўнага вучылішча, які старэйшы за яе на 31 год? Яны разбегліся3
Памятаеце пару студэнткі і выкладчыка духоўнага вучылішча, які старэйшы за яе на 31 год? Яны разбегліся
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну77
Каментары
Дагаварыліся ўжо да таго, што адсталая 8-мільённая Беларусь уяўляе пагрозу 40-мільённай Польшчы! Дый, напэўна, 500-мільённаму ЕС таксама